४ साउन/अर्थ र व्यापार– नेपाल राष्ट्र बैंकले शुक्रबारका लागि डलरको बिक्रीदर मूल्य ११० रुपैयाँ ७८ पैसा तोकेको छ । यो हालसम्मकै उच्च हो ।यसअघि बिहीबार ११० रुपैयाँ ६२ पैसासम्म पुगेको थियो । खरिददर मूल्य ११० रुपैयाँ १८ पैसा कायम भएको छ । कच्चा तेलको मूल्य बढ्दै जाँदा भारतीय रुपैयाँसँगै नेपाली मुद्रा कमजोर बनेको हो । भारतीय मुद्रा कमजोर हुँदा डलर महँगिएर नेपाली रुपैयाँ सबैभन्दा सस्तो स्तरमा झरेको हो। नेपाली रुपैयाँ र भारतीय मुद्राबीच स्थितर बिनिमय दर छ ।

 ४ साउन/अर्थ र व्यापार– शैक्षिक प्रमाणपत्र धितो राखेर ऋण चाँडोमा असोजबाट मात्रै पाइने भएको छ । अर्थमन्त्रालयले शैक्षिक प्रमाणपत्र धितोमा राखेर ऋण दिने व्यवस्थाका लागि कार्यविधि बनाइरहेको छ । यो कार्यविधि भदौंसम्ममा बन्ने मन्त्रालयले जनाएको छ। दुई महिनामा कार्य्विधि तयार गरी यी कार्यक्रम आर्थिक वर्षको तेस्रो महिनादेखि कार्यान्वयन गर्ने अर्थ मन्त्रालयको योजना छ ।

१ साउन/अर्थ र व्यापार– डा. गोविन्द केसीको समर्थनमा भोलि बिहीबार देशभरका सम्पूर्ण स्वास्थ्य संस्थाहरुमा आकस्मिक सेवा बाहेकका सम्पूर्ण स्वास्थ्य सेवा बन्द हुने भएको छ । देशभरका चिकित्सक तथा स्वास्थ्यकर्मीहरुको आवाज सरकारसम्म पुर्याउन र सरकारलाई संवेदनशील हनको लागि १ दिन बन्द गर्न लागिएको चिकित्सक संघले जारी गरेको विज्ञप्तिमा  उल्लेख छ ।

१ साउन/अर्थ र व्यापार– अघिल्लो आर्थिक वर्ष २०७३/७४ मा भन्दा आर्थिक वर्ष २०७४/७५ मा दोब्बर बढी लगानी भित्रिएको छ । आर्थिक वर्ष २०७४/७५ को अन्त्यमा ३ खर्ब ५० अर्ब ५९ करोड रुपैयाँ बराबरका उद्योग विभागमा दर्ता भएको उद्योग विभागले जनाएको छ । आर्थिक वर्ष २०७३/७४ को अन्त्यमा एक खर्ब ६३ अर्ब १७ करोड रुपैयाँ बराबरका उद्योग विभागमा दर्ता भएका थिए । 

१साउन/अर्थ र व्यापार– राजदूत पद रिक्त भएपछि प्रक्रिया थाल्दा नियुक्तिमा ढिलाइ हुने भएपछि सरकारले पद रिक्त हुनु तीन महिना अगाडि नै नयाँ राजदूत नियुक्तिको प्रक्रिया थाल्ने भएको छ । सरकारले राजदूत नियुक्तिको प्रक्रिया रिक्त हुनुभन्दा तीन महिना अगाडि देखि थाल्ने गरी परराष्ट्र मन्त्रालयले निर्दे्शिका तयार गरेको हो । निर्दे्शिकालाई असार २४ गतेको मन्त्रिपरिषद बैठकले स्वीकृत गरिसकेको छ ।

१ साउन/अर्थ र व्यापार– विभिन्न समस्याको बावजुत सरकारले आर्थिक बर्ष ०७४/७५ मा ७ खर्ब ३० अर्बको राजस्व संकलनको लक्ष्य भेट्याएको छ । ७ खर्ब ३० अर्ब रुपैयाँ राजस्व उठाउने लक्ष्यसहित चालु आर्थिक वर्षको बजेट ल्याइएको थियो । करका दर परिवर्तन नगरी बजेट ल्याइएकाले अघिल्लो वर्ष विस्तारित आधारभित्रै रहेर २९.३ प्रतिशत राजस्व बढाउने लक्ष्य भेट्याउन चुनौतीपूर्णनै थियो । 

२९ आषाढ/अर्थ र व्यापार– कोटेश्वर–कंलकी पहिलो सडक खण्डको डिजाइनमै त्रुटी भेटिएपछि दोस्रो खण्डको कंलकी–महारागञ्ज सडक खण्डमा डिजाइननै परिवर्तन गरेर सडक विस्तार गर्ने भएको छ । चीन सरकारको आर्थिक र प्राविधिक सहयोगमा विस्तार गर्न लागिएको चक्रपथको कंलकी–महारागञ्ज खण्ड ८.२ किलोमिटर लामो हुने छ । यो खण्ड पनि पहिलो खण्ड जस्तै ८ लेनकै हुनेछ । चीन सरकारको छ अर्ब रुपैयाँ अनुदान सहयोगमा विस्तार गर्न लागिएको यो सडक काम सुरु गरेको चार बर्षमा सक्ने लक्ष्य लिईएको छ । 

२९ आषाढ/अर्थ र व्यापार– अर्थमन्त्री डा. युवराज खतिवडाले बीमा सम्वन्धी कानुनलाई संशोधन र एकीकरण गर्न बनेको विधेयक संसदमा प्रस्तुत गरेको छ ।  विधेयकमा बीमा समिति नेपाल अब बीमा प्राधिकरणमा परिणत हुने भनिएको छ । भने कर्मचारीवाहेक प्राधिकरणको सञ्चालक समितिको गठन नयाँ ऐन बमोजिम हुने उल्लेख छ । यो व्यवस्थाले वर्तमान अध्यक्ष चिरन्जीवी चापागाँई र सञ्चालक समितिका सदस्यहरु स्वत खारेज हुनेछन् ।

२९ आषाढ/अर्थ र व्यापार– नेपाल चेम्बर अफ कमर्शले भाइचन्द्र श्रेष्ठको अध्यक्षतामा गोरखा चेम्बर अफ कमर्शको स्थापना गरेको छ । चेम्बरले देशभरका उद्योगी व्यवसायीलाई एकिकृत गरी उनीहरुको व्यवसायको प्रवर्द्धन र सम्बर्द्धन गर्ने उद्देश्य अनुरुप जिल्ला–जिल्लामा शाखा विस्तार गर्ने क्रममा गोर्खा जिल्लामा पनि विधिवत रुपमा गोर्खा चेम्बरको स्थापना गरेको हो । 

२८ आषाढ/अर्थ र व्यापार– नेपाल राष्ट्र बैंकले बुधबार मौद्रिक नीति सार्वजनिक गर्दै सामान आयातको भूक्तानीको माध्यमका रुपमा प्रतितपत्र (एलसी)लाई प्राथमिकता दिँदा त्यसले मूल्यवृद्धि हुने देखिन्छ । एलसीले विभिन्न मुलुकहरुवाट आयत गरिने आयातित् सामान तथा कच्चा पदार्थको मूल्य बढाउने भएको हो ।

२८ आषाढ/अर्थ र व्यापार– अन्तराष्ट्रिय राजमार्गको परिकल्पनासहित विस्तार भइरहेका  राष्ट्रिय गौरवको आयोजना ‘गल्छी–त्रिशूली–मैलुङ्ग–स्याफ्रुबेंसी–रसुवागढी’ २४ प्रतिशत काम सकिएको छ । ‘गल्छी–रसुवागढी’ सडकले पृथ्वी राजमार्ग्स्थित धादिङको गल्छीबाट नुवाकोटको देवीघाट–त्रिशूली–रसुवाको मैलुङ–स्याफ्रुबेँसी–रसुवागढी हँदै चीनको केरुङ प्रवेशद्वारसम्म जोड्ने छ । बयासी किलोमिटर दूरीको सडक निर्माणको काम जारी छ । 

२७ आषाढ/अर्थ र व्यापार– नेपाल वायुसेवा निगमले आगामीे दुई वर्ष भित्रमा आठवटा ट्विन अटर र दुईवटा  न्यारोबडी ए ३२०–२०० नयाँ जहाज थप्ने भएको छ । खरिदको प्रक्रिया अघि बढाइसकेको प्रवन्ध निर्देशक सुगतरत्न कंसाकारले बताए । जहाज खरिदका लागि आवश्यक ऋण लिन निगमले संचय कोषसँग अनौपचारिक बैठक गरिसकेको उनले बताए ।

२७ आषाढ/अर्थ र व्यापार– सरकारले शैक्षिक प्रमाणपत्रका आधारमा ऋण दिने व्यवस्था गरेसँगै पाल्पा जिल्लाको बगनासकाली गाउँपालिकाले युवालाई शैक्षिक प्रमाणपत्र धितो राखेर ऋण दिने कार्यको सुरुवात गरेको छ । गाउँपालिकाले सार्वजनिक सूचना नै जारी गरी प्रस्ताव मागेर कृषि तथा पशुपालनका लागि ऋण दिन सुरु गरेको हो ।

२७ आषाढ/अर्थ र व्यापार– शेरबहादुर देउवा नेतृत्वको सरकारले नियुक्ति गरेका पदाधिकारीहरुलाई ओली सरकारले बर्खास्ती गरेपछि सर्वोच्चमा परेकामध्ये तीन पदाधिकारीको रिटमाथि आज सुनुवाइ हुँदैछ । सरकारले सामूहिक निर्णयबाट निर्वाचन आचारसंहिता लागू भई वर्तमान सरकार गठन नभएसम्मका राजनीतिक नियुक्ति खारेजीको निर्णय गरेको थियो । 

२७ आषाढ/अर्थ र व्यापार– नेपाल राष्ट्र बैंकले आज दिउँसो २ बजे मौद्रिक नीति सार्बजनिक गर्ने भएको छ । सञ्चालक समितिले मौद्रिक नीति पारित गरिसकेकाले आज रयाडिसन होटलबाट सार्वजनिक गर्न लागिएको हो । मौद्रिक नीतिले ८ प्रतिशतको आर्थिक बृद्धि दर हाँसिल गर्ने गरी सरकारी कार्यक्रमहरुलाई सघाउने योजनाहरु ल्याउने डेपुटी गभर्नर चिन्तामणि शिवाकोटीले जानकारी दिए ।

२६ आषाढ/अर्थ र व्यापार– नौविसे–नागढुंगा सुरुङमार्ग निर्माणका लागि आवश्यक पर्ने जग्गा अधिग्रहणको प्रक्रिया अघि बढेको छ । जापान सरकारको करिव १५ अर्ब रुपैयाँ अनुदान सहयोगमा आगामी चार बर्ष भित्रमा यस सुरुङमार्गको निर्माण सम्पन्न गर्ने लक्ष्य लिईएको छ ।

२६ आषाढ/अर्थ र व्यापार– क्रस बोर्डर रेल सेवा सञ्चालन गर्नका लागि नेपाल–भारत संयुक्त वर्किङ कमिटी(पिएससी)को बैठक सोमबारदेखि काठमाडौंमा सुरु भएको छ ।बैठकमा भारतका तर्फबाट परारष्ट्र मन्त्रालयका सहसचिव नामग्या खाम्पा र नेपालका तर्फबाट भौतिक पुर्वाधार तथा यातायात मन्त्रालयका वैदेशिक सहायता महाशाखा हेर्ने सहसचिव केशरकुमार शर्मासहितका अधिकारीहरु सहभागी छन् ।

 हिमालयन सोसियल जर्नी ट्रेक्सका सञ्चालक रामप्रसाद सापकोटाले पत्रकारमाथि दूरव्यवहार गरेको भन्दै राष्ट्रिय पर्यटन पत्रकार संघ (नाटोज) ले आपत्ति जनाएको छ ।

२५ आषाढ/अर्थ र व्यापार– नेउवा महासङ्घले नेपाल सरकारसित श्रमिकको न्यूनतम पारिश्रमिक १३ हजार ४ सय ५० निर्धारण गर्ने भनी सोमवार गरेको सहमतिप्रति उद्योग सङ्गठन मोरङले बिरोध गरेको छ ।  उद्योग सङ्गठन मोरङको अध्यक्षमा पदभार ग्रहण गरेको एक साता पनि नबित्दै भीम घिमिरेले नेपाल उद्योग वाणिज्य महासङ्घले नेपाल सरकारसित गरेको निर्णयप्रति विद्रोह जनाएका हो ।

२५ आषाढ/अर्थ र व्यापार– राष्ट्र बैंकले आगामी मौद्रिक नीति बुधबार सार्वजनिक गर्ने तयारी गरिरहेको छ ।  आगामी मौद्रिक नीतिमा सिआरआर घटाउने, बाणिज्य बैंकहरुका शाखाको छुट्टै लेखापरीक्षण गराउने देखी बित्तिय संस्थाहरुको मर्जर सम्मको नीति ल्याउने तयारी राष्ट्र बैंकले गरेको छ । 

२२ आषाढ/अर्थ र व्यापार– आगामी पुस १७ (जनवरी १) देखी बुद्ध एयरले नेपालगञ्ज–नयाँ दिल्ली उडान गर्न पाउने भएको छ ।  नेपाल नागरिक उड्डयन प्राधिकरणले आगामी पुस १७ (जनवरी १) देखी स्विकृत हुने गरी बुद्ध एयरलाई नेपालगञ्ज–नयाँ दिल्ली उडान गर्ने अनुमती दिएको हो । 

२२ आषाढ/अर्थ र व्यापार– स्वतन्त्र ऊर्जा उत्पादकहरुको संस्था (इपान)ले निर्माण सम्पन्न जलविद्युत आयोजनालाई दिने भनिएको भ्याट फिर्ता दिन माग गर्दै सरकारलाई औपचारिक पत्राचार गरेको छ । इपानले २०६८ साउन देखि २०७४ चैतसम्म निर्माण सम्पन्न भएका ५१ वटा जलविद्युत ५१ वटा जलविद्युत आयोजनाको करिब २५० मेगावाट बराबरका जलविद्युत आयोजनालाई १ अर्ब २५ करोड रुपैयाँ मूल्य अभिवृद्धि कर (भ्याट) फिर्ता दिन इपानले ऊर्जामन्त्री वर्षमान पुनको नाममा पत्राचार गरेको हो । 

२२ आषाढ/अर्थ र व्यापार– प्रमुख प्रतिपक्षी कांग्रेसले शुक्रबार डा. केसीको जीवन रक्षा गर्न माग गर्दैै संसदमा जरुरी सार्वजनिक महत्वका प्रस्ताव दर्ता गरेको थियो । 

२२ आषाढ/अर्थ र व्यापार– लुम्बिनी आउने पर्यटकलाई लक्षित गर्दै बुटवलमा २५ करोड लागतमा आरम्भ रिसोर्ट सञ्चालनमा आएको छ । 

२२ आषाढ/अर्थ र व्यापार– पुर्वका व्यवसायीहरुले अदक्ष कामदारको मासिक पारिश्रमिक न्यूनतम १२ हजार ५ सय भन्दा बढी निर्धारण नगर्न सरकारलाई आग्रह गरेका छन् ।