२४ साउन/अर्थ र व्यापार– पिच उप्किने समस्या दोहोरिन थालेपछि नेपाल नागरिक उड्डयन प्राधिरकणले अन्तर्रा्ष्ट्रिय हवाई सेवा प्रदायक कम्पनीहरुलाई साना जहाज मात्रै नेपाल ल्याउन आग्रह गरेको छ ।  त्रिभुवन अन्तर्रा्ष्ट्रिय विमानस्थलको धावनमार्गको पिचमा पटक पटक समस्या देखिन थालेपछि प्राधिरकणले साना जहाजमार्फत उडान गर्न हवाई सेवा प्रदायकलाई भनेको हो।   बुधबार प्राधिकरण, विमानस्थल र अन्तर्रा्ष्ट्रिय वायुसेवा सञ्चालक संघबीचको छलफलमा प्राधिकरणले धावनमार्गको पुनर्निर्माण नहुदासम्म साना जहाज मात्रै ल्याउन भनेको आग्रह गरेको त्रिभुवन अन्तर्रा्ष्ट्रिय विमानस्थलका प्रमुख इन्जिनीयर मुरारी भण्डारीले जानकारी दिए।  अहिले ठूला जहाजको अधिक उडान अवतरण भइरहेको कारणले धावनमार्गको दैनिक उडान अवतरण दबाब थेग्न सक्ने अवस्था नरहेको उनले जानकारी दिए ।  विमानस्थल र प्राधिकरणले ठुलाको साटो सानो जहाज ल्याउन अनुरोध गरेपछि उडान तथा अवतरण तालिकासमेत परिवर्तनको तयारी थालिएको छ ।

२४ साउन/अर्थ र व्यापार– अन्तत दुई हप्ता लामो वार्तापछि सौर्य एयर ६७ करोडमा बिक्रि भएको छ । गैरआवासीय नेपाली (एनआरएन) श्याम अधिकारीसहितको समूहले ६७ करोड रुपैयाँमा सौर्य एयरको व्यवस्थापन जिम्मा लिएको हो । सौर्यका अध्यक्ष दीपक पोखरेलले श्याम र उनको समूहले ६७ करोडमा सौर्यको जिम्मेवारी लिएको पुष्टि गरे । नयाँ समूहले बैङ्कको ५५ करोड र गैरबैङ्किङ दायित्व १२ करोड सकारेको छ । नयाँ व्यवस्थापनसित बुधबार राति कम्पनी बिक्रीको सम्झौंतापत्रमा हस्ताक्षर भएको पोखरेलले जानकारी दिए ।

२४ साउन/अर्थ र व्यापार– जयनगर–जनकपुर रेलमार्गको परीक्षण सुरु भएको छ ।  बुधबार जयनगरदेखि–खजुरी करिव ९ किलोमिटर खण्डको परीक्षण गरिएको रेल विभागका सिनियर डिभिजनल इन्जिनियर प्रकाशभकत उपाध्यायले जानकारी दिए । उनका अनुसार आज थप १० किमी खण्डको थप परीक्षण भैरहेको छ । यसपछि बाँकी  सबै खण्डको परीक्षण गरिने रेल विभागले जनाएको छ ।

जापानमा बिगत १० बर्ष देखि आयोजना हुँदै आएको ११ औं नेपाल फेस्टिबल आगामी अगष्ट २५ र २६ तारिखमा टोकियोको सेतागाया कु स्थित कोमाजावा ओलम्पिक

१८ साउन/अर्थ र व्यापार– विवादित अभिव्यक्तिका कारण शेरबहादुर तामाङले राजीनामा दिएपछि खाली रहेको कानुन मन्त्रीमा भानुभक्त ढकाल नियुक्त हुने भएका छन् । ढकालले यसअघि तत्कालीन एमालेलको संसदीय दलको प्रमुख सचेतकको भूमिका निर्वाह गरेका थिए । ढकालको अध्ययन पनि कानुननै हो ।   ढकालको नाम यसअघि सञ्चारमन्त्रीमा चर्चा गरिए पनि प्रदेश १ बाट लालबाबु पण्डित मन्त्री भइसकेको भन्दै पन्छाइएको थियो । मोरङ ३ बाट निर्वा्चित ढकाल पार्टीमा संस्थापन पक्ष निकट छन्। तेह्रथुमका ढकाललाई मोरङबाट चुनाव लडाइएको हो । ०७० मा उनी समानुपातिक कोटाबाट संविधानसभा सदस्य बनेका थिए । त्यसैगरी संघीय समाजवादी फोरम नेपालको भागमा परेको स्वास्थ्य मन्त्रालयमा डा. सुरेन्द्र यादवलाई राज्यमन्त्री बनाइँदैछ । यादव महोत्तरी ४ बाट विजयी भएका हुन् ।

१८ साउन/अर्थ र व्यापार– संघीय मामिला तथा सामान्य प्रशासन मन्त्री लालबाबु पण्डितले मन्त्रीस्तरीय निर्णयबाट २१ जना सहसचिवको सरुवा गरेका छन् । सामान्य प्रशासनका अनुसार अर्थ मन्त्रालय र मातहतका निकायबाट ४ सहसचिव सरुवा भएको छ ।  सरुवापछि अर्थ मन्त्रालयमा कसैलाई पनि भित्र्याइएको छैन। अर्थ मन्त्रालयको तत्कालीन अन्तर सरकारी वित्त व्यवस्थापन महाशाखा बजेट तथा कार्यक्रम महाशाखासँग गाभिएपछि प्रमुख हरिप्रसाद बस्यालको सरुवा भौतिक पूर्वाधार तथा यातायात मन्त्रालयमा भएको छ ।  यसैगरी कर कार्यालय क्षेत्र नं १ का तत्कालीन प्रमुख झलकराम अधिकारीको वन तथा वातावरण मन्त्रालयमा सरुवा भएको छ । अर्थ मन्त्रालयअन्तर्गत नै महालेखा नियन्त्रकको कार्यालयका सहमहालेखा नियन्त्रक सुशील पाण्डेको सरुवा प्रदेश सभा सचिवालय प्रदेश नं १ मा भएको छ ।  यस्तै केही दिनअघि महालेखा नियन्त्रको कार्यालयमा सरुवा भएका मुकुन्दराज पन्थीको लोकसेवा आयोग वा अन्तर्गत रहने गरी काज सरुवा गरिएको छ । 

१७ साउन/अर्थ र व्यापार– तीन वर्षदेखि मुआब्जा विवादले सडक विस्तारको कार्य रोकिएको कंलकी–नागढुंगा सडकखण्डमा कालोपत्रे हुने भएको छ । उपत्यका सडक विस्तार आयोजनाका अनुसार सडकले चर्चेको भागमा मात्रै कालोपत्रे गरिनेछ । भौतिक,पूर्वाधार तथा यातायात मन्त्रालयले विवाद नसल्टिएकाले यथास्थितीमै कालोपत्रे गर्नका लागि मन्त्रिपरिषदमा प्रस्तावमा मन्त्रिपरिषद्ले कंलकी-नागढुंगा र बौद्ध-जोरपाटी सडक यथास्थितीमै कालोपत्रे गर्ने प्रस्ताव स्वीकृत गरेको थियो। मन्त्रालयका सचिव मधुसुदन अधिकारीले मन्त्रिपरिषदले स्वीकृत गरिसकेकोले तत्कालै कालोपत्रे गर्ने प्रकृया अघि बढाइने बताए ।

१७ साउन/अर्थ र व्यापार– वीरगञ्ज भन्सारमा जाँचका क्रममा गहुँको बोराभित्र करीब दुई लाख रुपैयाँ मूल्य बराबरको अवैध कपडा पक्राउ गरिएको छ ।  भारतको रक्सौलबाट नेपालतर्फ आइरहेको बि आर ६ एल ३८७६ नम्बरको कारमा गहुँको बोराभित्र करीब दुई लाख रुपैयाँ मूल्य बराबरको अवैध कपडा पक्राउ गरिएको हो ।  सशस्त्र प्रहरी बल नेपाल राजश्व तथा भन्सार सुरक्षा गुल्म वीरगञ्जका सशस्त्र प्रहरी उपरीक्षक तिलक खड्काले आज बिहान जाँचको क्रममा सियाराम कम्पनीको ३२६ मिटर सुटको कपडा पक्राउ गरेको बताए । 

१७ साउन/अर्थ र व्यापार– एसियाली विकास बैंक (एडिबी)ले खानेपानी र नागरिक उड्डनसँग सम्बद्ध आयोजना कार्यान्वयनमा सोचेअनुरुप प्रगति हुन नसकेको भन्दै आवश्यक सुधारका लागि सरकारले हस्तक्षेप गर्नुपर्ने बताएको छ । एडिबी, नेपाल सरकार र सम्बन्धित आयोजनाबीचको त्रिपक्षीय समीक्षा बैठक (ट्रिपार्टाइट पोर्टफोलियो रिभ्यू मिटिङ)को उदघाटन सत्रमा एडिबीका डेपुटी डाइरेक्टर जनरल दिवश शरणले ती आयोजनामा अहिलेकै रफ्तारमा काम हुँदा समयमै सम्पन्न हुन सक्ने अवस्था नरहेकाले सरकारले विशेष ध्यान दिनुपर्ने बताएका हुन् ।

१६ साउन/अर्थ र व्यापार– उद्योगहरुले आफ्नो वार्षिक प्रगति विवरण अनिवार्य रुपमा उद्योग विभागलाई बुझाउनुपर्न भएको छ । औद्योगिक व्यवसाय ऐन, २०७३ मा प्रत्येक उद्योगले व्यावसायिक उत्पादन वा कारोबार प्रारम्भ गरेपछि तोकिए बमोजिमको विवरण प्रत्येक आर्थिक वर्ष समाप्त भएको मितिले ६ महिनाभित्र विद्युतीय माध्यमबाट समेत पेश गर्न सकिने व्यवस्था छ ।  उद्योगहरुले अबदेखी अनिवार्य रुपमा उद्योगको वार्षिक प्रगति विवरण विभागमा दिनुपर्ने उद्योग विभागका प्रवक्ता दुर्गाप्रसाद भुसालले जानकारी दिए । उद्योग विभागले उद्योग सञ्चालनको वार्षिक विवरण अनलाइनमार्फत विभागमा पठाउन सकिने गरि इण्डष्ट्रिएल स्टाटिस्टिक इन्ट्री सिस्टम तयार पारेको छ ।

१६ साउन/अर्थ र व्यापार–सर्वोच्चबाट अल्पकालीन अन्तरिम आदेश जारी भएका विभिन्न संस्थान तथा बोर्डका पदाधिकारीका मुद्दा सर्वोच्च प्रशासनले स्थगित गरेको छ । यसअघि अन्तरिम छलफलका लागि अदालत स्वयंमले तोकेको मितिमा प्रशासनले पेसी स्थगित गरेको हो । कायम मुकायम प्रधानन्यायाधीश दीपकराज जोशीको संसदीय सुनुवाइ प्रक्रिया जारी रहेको अवस्थामा अदालत प्रशासनबाटै सरकार विपक्ष भएका मुद्दा स्थगित भएका हुन् । बुधबार अन्तरिम छलफलका लागि बोलाइएका डा. भूपेन्द्र प्रसाद, गंगाधर पराजुली, विमल कुमार निरौला, लिलाराम शर्मा र चन्द्रसिंह साउदका मुद्दा सर्वोच्चले नै दैनिक पेसीबाट स्थगित गरेको हो ।

१५ साउन/अर्थ र व्यापार– मलेसियाको संसदमा मलेसियामा काम गर्न चाहने नेपाली कामदारहरुको समस्याको बिषयमा छलफल भएको छ । नेपालले कामदार पठाउन रोक लगाउने निर्णयमाथि मलेसियाको संसदमा छलफल भएको हो ।  आगामी शुक्रबार बस्ने मन्त्रिपरिषदको बैठकमा नेपालको निर्णयबारे छलफल हुने मलेसियाका मानव संशाधनमन्त्री एम कुलशेगरनले बताएका छन् । मन्त्रिपरिषदको बैठकले पछिल्लो समस्या समाधानका लागि आवश्यक कदम चाल्ने निर्णय लिने समेत बताएका छन् ।  

१४ साउन/अर्थ र व्यापार– उर्जा, जलस्रोत तथा सिंचाईमन्त्री बर्षमान पुन र नेपालका लागी इजरायली राजदूत बेन्नी ओमेरबीच भेटबार्ता भएको छ ।  भेटमा इजरायली राजदूत ओमेरले, इजरायल उर्जा र सिंचाईको क्षेत्रमा पनि सहकार्य गर्न आतुर रहेको बताएका हुन् । नेपालको कृषि क्षेत्र आधुनिकीकरणमा सहकार्य गरिरहेको छ । 

१४ साउन/अर्थ र व्यापार– नेपाल नागरिक उड्डयन प्राधिकरणले नेपाल वायुसेवा निगमको पहिलो नयाँ जहाज 'अन्नपूर्ण'लाई आइतबार एयर अपरेशन सर्टि्फिकेट (एओसी) दिएको छ ।  नेपाल नागरिक उड्डयन प्राधिकरणको चरणबद्ध अध्ययन सकिसकेपछि अन्नपूर्णलाई एओसी दिइएको प्राधिकरणका उप–महानिर्देशक राजन पोखरेलले जानकारी दिए ।  

१४ साउन/अर्थ र व्यापार– भरतपुर महानगरपालिकामा जग्गाको न्यूनतम सरकारी मूल्यांकननै कठ्ठाको दुई करोड ५५ लाख रुपैयाँ पुगेको छ । यो मुल्य काठमाडौं पछिकै महंगो हो ।  व्यवसायीहरुका अनुसार सरकारी मूल्यांकन अढाई करोड तोकिएको क्षेत्रमा अहिले कठ्ठाको पाँच करोड रुपैयाँसम्म कारोबार भइरहेको छ । नारायणगढ बजार क्षेत्रमा महेन्द्र राजमार्गसँग जोडिएका जग्गाको सरकारी मूल्य २ करोड ५४ लाख ८० हजार रुपैयाँ कायम भएको छ । गत आर्थिक वर्ष त्यही जग्गाको न्यूनतम मूल्यांकन कठ्ठाको एक करोड ८२ लाख रुपैयाँ थियो । अघिल्लो आर्थिक वर्ष २०७३÷७४ को लागि प्रति कठ्ठा एक करोड ३० लाख रुपैयाँ थियो ।

१३ साउन/अर्थ र व्यापार– बीमा क्षेत्रलाई व्यवस्थित र स्वस्थ प्रतिस्पर्धाबाट अघि बढाउने र बीमितको हक हित रक्षाका लागि भन्दै अर्थमन्त्री डा. युवराज खतिवडाले आइतबार बीमा विधयेक संसदमा पेश गरेको छ ।  बीमा समितिलाई प्राधिकरणमा रुपान्तरण गरिने ब्यवस्था गरिएको छ । विधेयकमा भएको ब्यवस्था जस्ताको त्यस्तै पारित भएमा समितिका बर्तमान अध्यक्ष तथा सञ्चालक समिति सदस्यहरु पदमुक्त हुने छन् ।  

१३ साउन/अर्थ र व्यापार– रसुवागढी राजमार्गको घट्टेखोलामा अवस्थित पक्की पुलको जगमा अविरल वर्षाले क्षति पुरयाएपछि नेपाल–चीन आवतजावत गर्ने सवारीसाधनलाई रोक लगाइएको छ । गत शुक्रबारको अविरल वर्षाले घट्टेखोलामा पानीको बहाव बेजोडसँग बढेपछि दक्षिणतर्फको पुलको जग क्षति पुर्याएको स्थानीयवासीले बताए ।  

नेपाल एयरलाइन्स कर्पोरेशनले अन्तराष्ट्रिय हवाई उड्डयनको क्षेत्रमा आप्mनो उपस्थितिलाई सबल र प्रभावकारी बनाउन झण्डै एक महिनाको अवधिमा एयरबस

८ साउन/अर्थ र व्यापार– मलेसियाका पूर्व उपप्रधानमन्त्री डा. अहमद जाहिद हमिदीले नेपाली कामदारहरूमाथी मलेसिया जानेक्रममा भएको भ्रष्टाचारको अभियोगमा आफु र आफ्नो परिवारको कुनै संलग्नता नभएको बताएका छन् ।   पूर्व उपप्रधानमन्त्री हमिदीले ‘आफूमाथि लागेको आरोपलाई झुटो साबित गर्न वा यस घटनामा मैले कुनै पनि शक्तिको दुरुपयोग गरेको वा परिवारको कुनै पनि सदस्यको यसमा संलग्नता छैन भन्ने प्रमाणित गर्न वा म त्यसमा सामेल छैन भन्ने प्रमाणित गर्नका लागि पनि मलेसियाको एन्टि करप्सन कमिसन (एमएसीसी)को अनुसन्धानको सामना गर्न तयार रहेको पनि बताएका छन् ।

८साउन/अर्थ र व्यापार– गत आर्थिक वर्ष २०७४–७५ मा घरजग्गा कारोबारबाट ३० अर्ब ६७ करोड रुपैयाँ कुल राजस्व संकलन भएको छ । अघिल्लो आर्थिक वर्ष २०७३–७४ को तुलनामा यस आर्थिक बर्षमा ४ अर्र्ब रुपैयाँ बढी राजश्व संकलन भएको हो । अघिल्लो आर्थिक वर्षमा २६ अर्ब रुपैयाँ मात्रै राजस्व संकलन भएको थियो । 

७ साउन/अर्थ र व्यापार– बाराको श्रीपुर मनहर्वामा रहेको रिलायन्स सुगर एण्ड केमिकल्स प्रालिमा दिउँसो पौने १२ बजे आगलागी भएको बारा प्रहरीले जनाएको छ । आगलागीको कारण खुल्न सकेको छैन । आगो नियन्त्रणको लागि प्रयास भइरहेको बाराका प्रहरी नायब उपरिक्षक रञ्जीतसिंह राठौरले बताए ।

६ साउन/अर्थ र व्यापार– संस्कृति, पर्यटन तथा नागरिक उड्डयन मन्त्रालयले मोडालिटी टुंगो लगाई निर्माणको औपचारिक आव्हान गर्नुअघिनै निजगढ अन्तर्रा्ष्ट्रिय विमानस्थल निर्माणका लागि अन्तर्रा्ष्ट्रिय कम्पनी ईच्छुक देखिएका छन् । निर्माण मोडालिटी टुंगो लगाउनुअघि नै निर्माण, सञ्चालन र हस्तान्तरण (बुट) मोडलमा विमानस्थल बनाउन अन्तर्रा्ष्ट्रिय कम्पनी ईच्छुक देखिएका हुन् ।

६ साउन/अर्थ र व्यापार– श्रम, रोजगार तथा सामाजिक सुरक्षा मन्त्रालयले प्रेश विज्ञप्ती जारी गर्दै गत जेठ २ गतेभन्दा अघि भिसा प्राप्त गरी अन्तिम श्रम स्वीकृतिको प्रक्रियामा रहेका करिब साढे ४ सय जना नेपालीलाई मलेशिया जान सक्ने बताएको छ । श्रम मन्त्रालयले जेठ २ गते एकपक्षीय रुपमा खडा गरिएका ३९ स्वास्थ्य संस्थाहरुको सिन्डिकेट अन्त्य गरी मापदण्ड पूरा गरी मन्त्रालयमा सूचीकृत भएका स्वास्थ्य संस्थाहरुबाट स्वास्थ्य परीक्षण गर्न पाउने व्यवस्था मिलाउने निर्णय गरेको थियो । त्यसयता मलेशिया जान नेपाली कामदारलाई रोक लगाइएको थियो ।

६ साउन/अर्थ र व्यापार– धुलो र हिलाले सास्ती खेप्दै आएका उपत्यकाबासीलाई यसबाट छुटकारा पाउन अझै एक बर्ष कुर्नुपर्ने भएको छ । उपत्यकाका निर्माणाधिन सडकको म्याद सरकारले एक वर्ष थपिदिएपछि अरु थप १ बर्ष उपत्यकाबासीले सास्ती खेप्न पर्न भएको हो । सर्वोच्च अदालतले उचित मुआब्जा दिएर मात्रै सडक विस्तार गर्न आदेश दिएपछि म्याद थपिएको इन्जिनियर  विश्वविजयलाल श्रेष्ठले जानकारी दिए ।

४ साउन/अर्थ र व्यापार– विश्वको सर्वोच्च शिखर सगरमाथाको उचाइ मापन २०१९ भित्र सक्ने लक्ष्यका साथ मापन गरिरहेको नापी टोलीले सिरहाको मदारदेखि सोलुखुम्बुको पतालेसम्म ‘लेभलिङ’को ७५ प्रतिशत काम सम्पन्न गरेको छ ।   सरकारले चालु आर्थिक वर्षमा मापन कार्यका लागि  १५ करोड रुपैया विनियोजित गरेको छ ।