दुवईको घरजग्गा मेला काठमाडौंमा, कानुन विपरित सयौं नेपाली दुवईमा घर, अपार्टमेन्ट खरिद गर्दै
२७ साउन/अर्थ र व्यापार– कानुनले नेपालीलाई बिदेशमा सम्पती खरिद गर्न दिदैन तर तीन दिनदेखि दुवईको घरजग्गा मेला दरवारमार्ग स्थित पाँचतारे होटल डेला अन्नपूर्णको ‘ब्याकेट हल’ मा जारी छ ।
कम्पनीले अघिल्लो पटक पनि राजधानीको ह्यात होटलमा यस्तै मेलाको आयोजना गरेको थियो ।
डम्याक कम्पनीको एकोया अक्सिजन नामक रियलस्टेट कारोबार गर्ने संस्थाले दुवईको अपार्टमेन्ट र इन्डिभिज्युल होम(भिल्ला) बिक्रीका लागि मेला गरिरहेको छ । शुक्रवार देखी जारी मेला आइतबारसम्म चल्नेछ ।
आयोजकका अनुसार सयौं नेपाली नागरिकहरुले दुवईमा बस्न र लगानीका लागि अपार्टमेन्ट र भिल्ला बुकिङ गरिसकेका छन । अहिले कम्पनीले ६ लाख रुपैयामा धमाधम प्रि-बुकिङ लिइरहेको छ ।
एक एजेन्टका अनुसार ह्यात होटलमा वान टु वान’ मार्के्टिङ गरेर दर्जनौं घररअपार्टमेन्टहरु नेपालीलाई बिक्री गरेको बताए । उनले अन्नपूर्णको कार्यक्रमबाट पनि दर्जन भन्दा बढी घर तथा अपार्टमेन्टका लागि बुकिङ आएको बताए ।
बुकिङ गराउनेलाई कम्पनीले निशुल्क दुवई स्थित घर अपार्टमेन्ट हेर्नका लागि लैजाने गरेको ति एजेण्टले बताए । उनका अनुसार एक करोड ८० लाख रुपैयाँदेखि १४ करोड रुपैयाँसम्मका घर अपार्टमेन्ट दुवईमा खरीदका लागि उपलब्ध छन् ।
उनले घरजग्गा खरिद गर्नको लागि नेपाल सरकारले सजिलै स्वीकृती दिइरहेको बताए । अहिलेसम्म कयौं नेपाली ग्राहकले केन्द्रीय बैंकबाट दुवईमा घर तथा अपार्टमेन्ट किन्नका लागि स्वीकृति लिइसकेको दावी गरे ।
राष्ट्र बैंक विदेशी विनिमय विभागका कार्यकारी निर्देशक भीष्मराज ढुङ्गानाले विदेशै हुँदा कमाएको पैसाबाट त्यहाँ बसुन्जेल प्रयोगका लागि सम्पति जोड्न पाइने भएपनि नेपाल फर्किएको ३५ दिनभित्र बेचेर ल्याउनुपर्ने कानुनी व्यवस्था रहेको बताए ।
राष्ट्र बैंकका प्रवक्ता नारायण पौडेलले कानुनमा विदेशमा नेपालीले घरजग्गा किन्न नपाउने स्पष्ट व्यवस्था भएकाले कसैलाई स्वीकृति नदिएको बताए ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया