उच्च अदालतको आदेश कार्यन्वयन तथा सदस्यता प्रदान गर्न माग

706 पटक पढिएको

४ बैशाख/ अर्थ र व्यापार- विभिन्न १८ वटा संघहरुले नेपाल उद्योग वाणिज्य महासंघ संग उच्च अदालतको आदेश कार्यान्वयन गर्न तथा सदस्यता प्रदान गर्न माग गरेका छन ।

२०८२ साल चैत्र २६ गते भएको आदेशप्रति ति संघहरुले ध्यानाकर्षण गराउँदै सम्मानित अदालतको आदेशपश्चात निर्वाचन सम्बन्धी सम्पूर्ण कार्यहरू स्थगित रहेको अवस्थामा, अदालतको आदेश बमोजिम सदस्यता प्रदान नगरी महासंघको पदाधिकारी बैठकको निर्णय भनि पुनः साधारण सभाको मिति तोकिएको जानकारी संस्थाको वेबसाइट मार्फत प्राप्त हुनु अत्यन्तै खेदजनक भएको वताएका छन ।

अदालतबाट पटक–पटक भएको आदेशको कार्यान्वयन नगरी साधारण सभा सम्बन्धी कुनै पनि गतिविधि अगाडि बढाउनु अदालतको अवहेलना हुनुका साथै पूर्णतः गैरकानुनी कार्य हो भन्ने ति संघहरुको ठहर रहेको जनाईएको छ । उनीहरुले २०८२ चैत २६ गतेको अन्तरिम आदेशको पूर्ण पालना गर्दै, महासंघको मिति २०८१/११/२६ को निर्णय बमोजिम सदस्यताको निर्णय गरेर मात्र साधारण सभा सम्बन्धी प्रक्रिया अगाडि बढाउन माग गरेका छन ।

त्यसो हुन नसके आफ्नो कानूनी हक संरक्षणका लागि थप न्यायिक उपचार खोज्न बाध्य हुने र त्यसबाट उत्पन्न हुने परिणामको जिम्मेवार महासंघ स्वयं हुनुपर्ने ति संघहरुले जनाएका छन । ति संघहरुमा एशोसिएसन अफ प्राइभेट हेल्थ इन्स्टिच्युसन, नेपाल पेट्रोलियम ढुवानी व्यवसायी महासंघ लगायत अन्य छन ।

तपाईको प्रतिक्रिया

सम्बन्धित शीर्षकहरु

नाट्टाको सह–कोषाध्यक्षमा जीवन कोइरालाको उम्मेदवारी

पूर्वअर्थमन्त्री विष्णु पौडेललाई काठमाडौं ल्याइयो, सम्पत्ति शुद्धीकरण विभागमा हाजिर