१२ फागुन/अर्थ र व्यापार – लामो समयपछि मंगलबार काठमाडौंको जहरसिंह पौवामा भारी असिना पानी परेको छ । गत असोज महिनापछि मंगलबार दिउँसो यस क्षेत्रमा भारी असिना पानी परेको हो । काठमाडौंको साँखु बजार क्षेत्रबाट केही माथी उचाइमा रहेको जहरसिंह पौवा क्षेत्रमा भारी असिना वर्षा भएसँगै चिसो पनि बढेको स्थानीयवासीले बताएका छन् ।
स्थानीयवासीका अनुसार अहिले सो क्षेत्रमा बाक्लो असिना वर्षा भईरहेको छ । जसका कारण चिसो पनि बढीसकेको छ । जल तथा मौसम विभागले मंगलबार दिउँसो काठमाडौं उपत्यका आसपासका जिल्लाहरु लगायतका क्षेत्रमा असिना सहितको पानी परेका कारण बागमती र गण्डकीका भित्रि पहाडी क्षेत्रमा दिउँसोबाटै चिसो बढेको छ ।
हिमाली तथा माथिल्लो वायुमण्डलमा पनि न्युन चापीय रेखा र प्रतिकूल प्रणालीका कारण आजबाट चिसो बढ्ने र केही ठाउँमा हिमपाल हुने मौसम विभागले आंकलन गरेको छ । मौसम विभागका अनुसार यसदिन परेको भारी वर्षा रोकिएपछि विस्तारै चिसो कम हुँदै जानेछ । जसका कारण उच्चपहाडी भू–भागमा यसको हल्का प्रभाव देखिएको र विस्तारै कम हुँदै गएको विभागले जनाएको छ ।
तपाईको प्रतिक्रिया