बीमा समिति अब बीमा प्राधिकरण हुने, अध्यक्ष सहित सञ्चालक समिति खारेज
२९ आषाढ/अर्थ र व्यापार– अर्थमन्त्री डा. युवराज खतिवडाले बीमा सम्वन्धी कानुनलाई संशोधन र एकीकरण गर्न बनेको विधेयक संसदमा प्रस्तुत गरेको छ ।
विधेयकमा बीमा समिति नेपाल अब बीमा प्राधिकरणमा परिणत हुने भनिएको छ । भने कर्मचारीवाहेक प्राधिकरणको सञ्चालक समितिको गठन नयाँ ऐन बमोजिम हुने उल्लेख छ । यो व्यवस्थाले वर्तमान अध्यक्ष चिरन्जीवी चापागाँई र सञ्चालक समितिका सदस्यहरु स्वत खारेज हुनेछन् ।
यसअघि तयार गरिएको मस्यौंदामा वर्तमान सञ्चालक समितिले निरन्तरता पाउने उल्लेख थियो । तर खतिवडा अर्थमन्त्री भएपछि उनले वर्तमान अध्यक्ष र सञ्चालक समिति नै खारेज गरेर नयाँ ढुङ्गबाट नियुक्त गर्ने बुँदा थप गरेका हुन् ।
विधयेकमा यही प्रावधान राखेका कारण अर्थमन्त्री खतिवडा र समितिका अध्यक्ष चापागाईँबीच बोलचाल समेत बन्द छ ।
नयाँ ऐनले सञ्चालक समिति नै खारेज गर्नेजस्ता बिषयहरु उठाउन नहुने तर्क बीमा समिति सदस्यहरुको छ । यता अर्थमन्त्रीले भने नयाँ ऐनअनुसार समिति नै प्राधिकरण बन्न लागेकाले पुरानो पद राख्नु उपयुक्त नहुने तर्क गरिरहेका छन् ।
नयाँ विधेयकले अध्यक्षको कार्यकालमा पनि सीमा तोकेको छ । विद्यमान ऐन अनुसार एउटै व्यक्ति जति पटक पनि अध्यक्ष हुन पाउँथ्यो । अब भने बढीमा दुई कार्यकालभन्दा धेरै समय अध्यक्ष हुन पाउँदैन । अध्यक्षको एक कार्यकाल चार बर्षको हुने छ ।
अर्थमन्त्रीले बर्तमान सञ्चालक समिति खारेज गर्ने वाहेक सबै बिषयलाई निरन्तरता दिएका छन् ।
नयाँ मस्यौदाले बीमा समितिको स्वायतता समेत खोस्ने व्यवस्था गरेको छ । अहिले बीमा समितिले आफ्ना कर्मचारीको सेवा सुविधा, विनियम, संगठनिक संरचना सबै आफैले तयार गर्न पाउँछ । तर मस्यौदामा गरिएको व्यवस्था जस्ताको तस्तै पारित भए यो अधिकार अर्थमन्त्रालय पुग्ने छ।
साथै, सरकारले बीमा समितिको कोषमा जम्मा हुने रकमको आधा आफूले लैजाने व्यवस्था गरेको छ । बीमा प्राधिकरण अन्तर्गत एउटा कोष हुने छ । कोषमा जम्मा भएको रकममध्ये प्राधिकरणको कार्य सञ्चालन तथा बीमा विकास तथा ब्यवस्थापनको लागि बार्षिक रुपमा छुट्याइएको रकमको अतिरिक्त ५० प्रतिशतले हुन आउने रकम वाहेक अन्य रकम संघीय सञ्चिति कोषमा दाखिला गर्नु पर्ने ब्यवस्था नयाँ विधेयकमा गरिएको छ ।
सम्बन्धित शीर्षकहरु
मुख्य खबर
निजी क्षेत्र अहिलेको जस्तो न्यून मनोबलको स्थितिमा पहिला कहिले पनि थिएन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रको संरक्षण र सुरक्षामा सरकारले काम गर्न नसकेको भन्दै असन्तुष्टि व्यक्त गरेका छन् । नेपाल उद्योग वाणिज्य महासंघले बुधबार आयोजना
सुरक्षाको प्रत्याभुति गर्न नपाएको निजी क्षेत्रको भनाई
निजी क्षेत्रका अगुवाहरुले सुरक्षाको प्रत्याभुति गर्न नपाएको गुनासो गरेका छन् । बैंक तथा वित्तीय संस्था परिसंघ नेपाल (सिबिफिन) को वार्षिक साधारणसभामा बोल्दै उनीहरुले जेनजी आन्दोलनबाट त्रसित निजी क्षेत्रलाई
नवनियुक्त आईजीपीको पहिलो निर्णय, वरिष्ठ सईसम्मलाई २ लाखको आकस्मिक कर्जा
नवनियुक्त प्रहरी महानिरीक्षक (आईजीपी) दानबहादुर कार्कीले वरिष्ठ प्रहरी नायब निरीक्षक (सई) सम्मको दर्जाका प्रहरीको सहुलियत कर्जा बढाउने निर्णय गरेका छन् । आईजीपीको दज्र्यानी चिन्ह प्राप्त गरेपछि
नेपालमा जस्तो अवसर र सम्भावना कतै देख्दिन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले आँफूले नेपालमा जताततै सम्भावना र अवसरहरु मात्र देख्ने बताएका छन् । अमेरिकाको टेक्ससमा शनिबार आयोजित हिमालयन कन्क्लेभमा धारणा राख्दै उनले
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया