निर्माणाधीन राष्ट्रिय गौरवको आयोजना कोशी करिडोरमा निर्माणाधीन नौ ओटा पुलमध्ये ७ ओटाको चालू आर्थिक वर्षभित्रमा निर्माण सम्पन्न हुने भएको छ।

उद्योग वाणिज्य तथा आपूर्तिमन्त्री लेखराज भट्टले कृषिमा ठूलो विदेशी लगानी खुला गर्ने निर्णय गरिएको बताएका छन् । 

शिक्षा मन्त्रालयअन्तर्गत शिक्षा तथा मानव स्रोत विकास केन्द्रले शिक्षकको जिल्लान्तर सरूवा रोक्ने निर्णय गरेको छ । 

बङ्गलादेशबाट जीटुजीमार्फत ५० हजार मेट्रिक टन रासायनिक मल ल्याउन अझै एक महिना भन्दा बढी समय लाग्ने भएको छ । 

राजस्व अनुसन्धान विभागले व्यवसायी प्रदीप साहविरुद्ध मूल्य अभिवृद्धि कर (भ्याट) छली मुद्दामा ६५ करोड मागदाबीसहित मुद्दा दायर गरेको छ । 

नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले निजी क्षेत्रलाई सरकारले आफ्नो व्यवसायिक पार्टनरको रुपमा हेर्नुपर्ने बताएका छन्।

ललितपुर उद्योग वाणिज्य संघको अध्यक्षमा मनोजबहादुर न्याछ्यो विजयी भएका छन् ।

प्रहरीले भन्सार छलीको सुन र स्रोत नखुलेको रकमसहित त्रिभुवन अन्तर्राष्ट्रिय विमानस्थलबाट आज दुई जनालाई पक्राउ गरेको छ ।

चालु आर्थिक वर्ष २०७७/७८ को पहिलो पाँच महिना (साउन–मंसिर) मा नेपालले १९ अर्ब रुपैयाँ बराबरको चामल आयात गरेको छ ।

आगामी माघबाट जयनगर–कुर्था रेल सेवा सञ्चालनमा आउने भएको छ । रेल विभागले करिब ३ महिनाअघि नेपाल ल्याएको रेल अब रेल मार्गको आवश्यक मर्मत, कर्मचारीलाई तालिम र सफ्टवेयरको काम सकिएसँगै माघबाट सञ्चालनमा ल्याउन लागिएको हो । 

इलामको सिद्धिखोलाबाट १ अर्ब २० करोड लागतमा ६.५ मेगावाटको जलविद्युत् सञ्चालन हुने भएको छ ।  

नेपाल टेलिकम र सेनाबीच काठमाडौ­तराई–मधेश द्रुत मार्गमा अप्टिकल फाइबर बिछ्याउने विषयमा सम्झौता भएको छ । 

उर्जा, जलस्रोत तथा सिंचाइ मन्त्री टोपबहादुर रायमाझीले मिलेनियम च्यालेन्ज कर्पोरेसन (एमसीसी) लागू गर्नुपर्ने बताएका छन् ।  

भारतबाट जीटूजीमा (सरकार-सरकार) रासायनिक मल खरिद गर्नेबारे सहसचिव तहमा नेपाल र भारतका अधिकारीहरुले बुधबार भर्चुअल माध्यमबाट छलफल गरेका छन् । 

साउथवेस्टन स्कुलले ‘प्रतिष्ठित अन्तराष्ट्रिय विद्यालय’ विधाअन्तर्गतको उत्कृष्ट अन्तर्राष्ट्रिय स्कुल अवार्ड प्राप्त गरेको छ । 

काठमाडौं महानगरपालिकाको चालु आर्थिक वर्षको पहिलो चौमासमा विकास खर्चको तुलनामा प्रशासनिक खर्च दोब्बर देखिएको छ ।  

नेपाल नागरिक उड्डयन प्राधिकरणले त्रिभुवन अन्तर्राष्ट्रिय विमानस्थल र भैरहवामा निर्माणाधीन गौतम बुद्ध अन्तर्राष्ट्रिय विमानस्थलमा थप संरचना निर्माण गर्ने भएको छ ।

नेपाल राष्ट्र बैंकले चालु आर्थिक वर्षको पहिलो ४ महिनामा विप्रेषण आप्रवाह ११.२ प्रतिशतले बढेको जनाएको छ । 

नेपाल सरकार र विश्व बैंकबीच ‘ग्रामीण उद्यम र आर्थिक विकास’ आयोजनाका लागि वित्तीय सम्झौता भएको छ । 

नेपाल उद्योग वाणिज्य महासंघले विभिन्न समिति तथा फोरमको सभापति चयन गरेको छ । 

हिमालयन डिष्टिलरीकोे बिहीवार बसेको सञ्चालक समितिको बैंठकले गत आर्थिक वर्ष मुनाफाबाट शत प्रतिशत लाभांश वितरण गर्ने निर्णय गरेको छ ।

भारत र बंगलादेशबीच उर्जा क्षेत्रमा नेपालसँग सहकार्य गर्ने बिषयमा सहमती भएको छ । 

ऊर्जा, जलस्रोत तथा सिँचाइ मन्त्रालयले बिहिबार एक कार्यक्रमकाबीच ‘राष्ट्रिय जलस्रोत नीति–२०७७’ सार्वजनिक गरेको छ । 

अर्थ मन्त्रालयले मंगलबार सार्वजनिक गरेको चालु आर्थिक वर्ष २०७७/७८को चौमासिक समीक्षा विवरण अवधिमा राजस्व संकलन सन्तोषजनक देखिएको छ । 

महालेखा नियन्त्रक कार्यालयको विवरणअनुसार सरकारले आवको पाँचौ महिना (मंसिर मसान्त)सम्म पूँजीगत खर्च मात्र ३५ अर्ब ९४ करोड १७ लाख रुपैयाँ भएको देखिएको हो । यसले सरकारी विकास खर्चको गति निकै सुस्त देखिएको हो ।