६ भदौ / अर्थ र व्यापार- टुरिष्ट गाइड एसोसियसन अफ नेपाल (टुर्गान) को तेस्रो राष्ट्रिय टुरिष्ट गाइड सम्मेलन चार बुँदे घोषणापत्र जारी गर्दै सम्पन्न भएको छ । सम्मेलनमा टुर्गानका अध्यक्ष नगेन्द्र चन्द द्वारा प्रस्तुत घोषणा पत्रमा टुरिष्ट गाइडहरुको पेशालाई सम्मानित र मर्यादित बनाउन राज्यस्तर बाट पहल गरिनुपर्ने, टुरिष्ट गाइडहरुको समय सापेक्ष पारिश्रमिक वृद्धि गर्नुपर्ने, पर्यटन क्षेत्रमा हुने अवैध गाइडिङ लाई रोक्नका लागि लाइसेन्स् चेकिङ लाई सशक्त बनाउनुपर्ने, हरेक पर्यटकीय गन्तव्यहरुमा टुर्गानको शाखा विस्तार गर्ने लगायतका विषयहरु समेटिएको थियो ।
कार्यक्रममा बोल्दै पर्यटनमन्त्री जीतेन्द्र नारायण देवले देशमा लोकमानसिंह कार्की प्रवृत्ति हावी भएको भन्दै त्यस्तो प्रवृतिको अन्त्य गर्नुपर्नेमा आफ्नो जोड रहेको वताए । उनले आफ्नो कार्यकालमा धेरै योजना लाई अघि बढाएको र सोचेको भन्दा बढी काम गर्ने प्रतिवद्वता जनाए । उनले पोखरा अन्तर्र्रािष्ट्रय विमानस्थल र भैरहवाको निजगढ विमानस्थल लाई विशेष प्राथमिकतामा राखेर काम अघि बढाइरहेको पनि बताए ।
कार्यक्रममा नेपाल उद्योग वाणिज्य महासंघका केन्द्रीय सदस्य रामशरण थपलिया, राष्ट्रिय पर्यटन व्यवसायी संघ(निट)का अध्यक्ष दीपक महत, नेपाल पर्वतारोहण संघका अध्यक्ष सन्तवीर लामा, गाउँ पर्यटन प्रवद्र्धन मञ्च (भिटोफ–नेपाल) का अध्यक्ष कमल सापकोटा, नेपाल योग एसोसिएशनका अध्यक्ष मोहन लम्साल, टुर्गानका पूर्व–अध्यक्ष हरेराम बराल लगायतले पर्यटन क्षेत्रका समस्याहरु वारे आफ्नो धारणा राखेका थिए ।
तपाईको प्रतिक्रिया