७ भाद्र / अर्थ र व्यापार- ट्रेकिङ एजेन्सिज एशोशियसन अफ नेपाल (टान) को आगामी भाद्र २० गते हुने निर्वाचनमा अल्पाईन क्लव अफ हिमालय प्रा.लि.का प्रबन्ध निर्देशक सुजन लामिछानेले बरिष्ठ उपाध्यक्ष पदमा उम्मेदवारी दिने भएका छन । टान वर्तमान कार्यसमितिका सचिव समेत रहेका लामिछाने सेरेन हिमालय प्रा.लि.का प्रबन्ध निर्देशक समेत हुन । यसका साथै उनी होटल व्यवसायमा समेत आवद्ध छन ।

पर्यटन व्यवसायीहरु विचमा आफ्नो बौद्धिक छवि निर्माण गरेका लामिछानेले नेपालको होमस्टे सम्बन्धमा विद्यावारिधी समेत गरिरहेका छन । टानको वर्तमान कार्यसमितिका रहेर पनि लामिछानेले विभिन्न सकारात्मक पहलहरु गर्दै आएका छन ।

“टानको वर्तमान कार्यसमितिमा रहँदा कतिपय विषयहरुको समस्या समाधानका लागी काम गर्न सकियो, वर्तमान कार्यसमितिले अगाडी वढाएका कामहरु पुरा गर्न र पदयात्रा पर्यटन क्षेत्रमा रहेका अन्य समस्याहरु समाधानका लागी केहि गर्न सकिन्छ भनेर वरिष्ठ उपाध्यक्षमा उम्मेदवारी दिने सोच वनाएको हुँ”–बरिष्ठ उपाध्यक्षका आकांक्षी लामिछानेले वताए । टानको वर्तमान कार्यसमितिमा रहँदा नेतृत्वले पहल गर्नुपर्ने तरिका र सरकारी निकायसंगको समन्वय गर्ने विषयमा आँफु जानकार रहेकोले पनि आगामी कार्यकालमा अझ सहज हुने उनले वताए ।