१३ भाद्र/ अर्थ र व्यापार
कुरिनटारको वट्टार स्थित त्रिशुली नदी किनारमा अवस्थित रिभरफन बिच रिसोर्टले एशियन लाईफ स्टाईल टुरिजम अवार्ड प्राप्त गरेको छ । सिंगापुरको एशिया लिडिङ रिसोर्ट ईंकले सातौं पटक आयोजना गरेको कार्यक्रममा रिभरफनले सो अवार्ड प्राप्त गरेको हो । रिभरफन विच रिसोर्टका सञ्चालकद्वय शंकर अधिकारी र राजन सिंखडाले भदौ ५ गते सो अवार्ड लिएका थिए ।
अवार्ड पाएपछि आयोजित पत्रकार सम्मेलनमा रिसोर्टका प्रबन्ध निर्देशक शंकर अधिकारीले रिभरफनले सो अवार्ड पाउनु नेपालकै गर्वको विषय रहेको वताए । अधिकारीले सो अवार्डले आँफुहरुको जिम्मेवारी थप बढेको अनुभव भएको वताउँदै बिच रिसोर्ट लाई अझ स्तरीय र सुविधायुक्त वनाउने पनि वताए ।
रिभरफनका निर्देशक राजन सिंखडाले नेपालको पर्यटन क्षेत्रको विकासका लागी राज्यले विशेषगरी पूर्वाधार निर्माणमा ध्यान दिनुपर्ने वताए । रिभरफनले सो अवार्ड एड्भेञ्चर विधामा प्राप्त गरेको वताउँदै यो अवार्डले रिभरफनको मात्र नभएर दक्षिण एशियामा नै नेपालको पर्यटकिय गन्तव्यहरुको प्रचार प्रसारमा ठूलो सहयोग मिलेको वताए ।
तपाईको प्रतिक्रिया