४ भदौ / अर्थ र व्यापार
नेपाल पर्वतारोहण संघ (एनएमए) को निर्वाचन सकिएको करिव दुई हप्ता पछि आज नवनिर्वाचित पदाधिकारीहरुले सपथ ग्रहण गरेका छन् । यस अघि निर्वाचनमा अध्यक्ष पदमा पराजित जिम्बा जाङबु शेर्पाले निर्वाचनमा धाँधली भएको भन्दै जिल्ला प्रशासन कार्यालयमा उजुरी हालेका कारण रोकिएको सपथ भदौ २ गते जिल्ला प्रशासन कार्यालयले निर्वाचनमा धाँधली नभएको बताएपछि आज सपथ भएको हो ।

नेपाल पर्वतारोहण संघको गत साउन २१ ग्ते भएको निर्वाचनमा अध्यक्षमा शन्तविर लामा लगायत निर्वाचित भएका थिए । संघमा वर्तमान महासचिव ठाकुरराज पाण्डेले नवनिर्वाचित महासचिव कुलबहादुर गुरुङलाई माईन्युट हस्तान्तरण गरेको थिए भने अध्यक्ष आङछिरिङ शेर्पाले खादा र अवर लगाएर स्वागत गरेका थिए । कार्यक्रममा बोल्दै नवनिर्वाचित महासचिव कुल बहादुर गुरुङले निर्वाचनमा जसले जितेपनि एनएमएले जितेको भन्दै अव आँफुहरु एनएमएको हितमा केन्द्रित भएर लाग्ने वताए ।