२६ जेठ / अर्थ र व्यापार - पर्यटन र वातावरणका निम्ति हाम्रा नदीको संरक्षण गरौं’ भन्ने नाराका साथ नेपाल एशोशियसन अफ ¥याफ्टीङ एजेन्सीको आयोजनामा देशभर एकैसाथ ¥याफ्टीङ  महोत्सव सुरु भएको छ । एजेन्सीले ३१ वर्षदेखि देशभर १६ वटा नदीमा र्या्फ्टिङ सेवा उपलब्ध गराउँदै आएको अध्यक्ष मीनबहादुर महरले बताए । अध्यक्ष महरले ¥याफ्टीङ विदेशी नागरिकका लागि मात्र नभई स्वदेशीका लागि पनि हुनुपर्नेमा जोड दिए ।  

¥याफ्टीङका लागि १ देखि १५ दिन सम्मको प्याकेज रहेको एजेन्सीले जनाएको छ । एजेन्सीले नेपालीका लागि १ वा  २ दिनसम्मको प्याकेज समेत ल्याएको छ । १ दिनको प्याकेज लिनेको लागि २५ सय र २ दिनको प्याकेज लिनेको लागि ४५ सयको प्याकेज उपलब्ध भएको बताइएको छ। १ दिने प्याकेज लिन चाहनेका लागि त्रिशुली नदी उपयुक्त रहेको एजेन्सीले जानकारी दिएको छ ।

काठमाडौंदेखि ५० किलोमिटर दूरीमा रहेको धादिङ बैरेनी २ घण्टामै पुग्न सकिन्छ । सो स्थानबाट साढे २ घण्टाको ¥याफ्टीङबाट चरौदी पुग्न सकिन्छ । यस्तै विदेशी नागरिकको लागि १ देखि १५ दिन सम्मको प्याकेज रहेको छ । एजेन्सीका अनुसार विदेशी नागरिकका लागि ३ हजारदेखि १६ हजारसम्मको प्याकेज राखिएको छ । एजेन्सीले त्रिशुली, भोटेकोशीलगायत नदीहरुमा सेवा उपलब्ध गराउँदै आएको छ ।