१८ चैत्र / अर्थ र व्यापार- नेपाल एशोशियसन अफ टुर्स एण्ड ट्राभल एजेन्ट्स (नाट्टा) सुदुरपश्चिम प्रदेशको शनिवार सम्पन्न छैठौं वार्षिक साधारणसभाले पुनः मायाप्रकाश भट्टको अध्यक्षतामा निर्विरोध नयाँ कार्यसमिति चयन गरेको छ । त्यसैगरि उपाध्यक्षमा केशव कुमार श्रेष्ठ,महासचिवमा पदमविक्रम सिंह,सचिवमा शिवहरी पाण्डे,कोषाध्यक्षमा धनन्जय जोशी चयन भएका छन । त्यस्तै सदस्यहरुमा मुनाल मल्ल,पुष्करराज भट्ट,डिल्लिप्रसाद जोशी र पदमबहादुर चन्द निर्विरोध निर्वाचित भए । 

साधारणसभामा बोल्दै अध्यक्ष भट्टले सुदुरपश्चिम प्रदेश पर्यटनका अत्यन्तै उर्वर भएपनि हालसम्म सुदुरपश्चिमको पर्यटन क्षेत्रले गति लिन नसकको वताए । कार्यक्रममा बोल्दै नाट्टाका केन्द्रिय अध्यक्ष सि.एन पाण्डले सुदुरपश्चिममा पूर्वाधार निर्माण र त्यहाँका पर्यटकिय गन्तव्यहरुको प्रचार–प्रसार र प्रवद्र्धन अहिलेको आवश्यकता भएको वताए । पाण्डले प्रदेश सरकारले निजि क्षेत्रलाई आकर्षित गर्न कर छुट वा अन्य त्यस्ता योजनाहरु ल्याउन आवश्यक रहेको वताए ।

कार्यक्रममा बोल्दै सुदुरपश्चिम प्रदेशका उद्योग,वन,पर्यटन तथा वातावरण राज्यमन्त्री प्रकाश रावलले प्रदेश सरकार सुदुरपश्चिममा पर्यटन क्षेत्रको विकासका लागी प्रयत्नशील रहेको वताए । यो एक वर्षमा नितिगत तहमा काम गरेको वताउँदै उनले आगामी वर्षमा उल्लेख्य काम गर्ने वताए । कार्यक्रममा वक्ताहरुले सुदुरपश्चिम प्रदेशमा पर्यटन क्षेत्रको विकासका लागी हवाई क्षेत्रको विकास,चीन र भारततिरका नाकाहरुलाई व्यवस्थित गर्नुपर्ने वताए ।

कार्यक्रममा स्थानिय निकायका प्रतिनिधिहरु तथा नाट्टा केन्द्रका प्रथम उपाध्यक्ष अच्युत गरागाईं,महासचिव रमेश थापा,सह–कोषाध्यक्ष सुरेन्द्र भट्टराई तथा सदस्यहरु हेमराज वाँस्तोला,श्रीराम पाण्डे लगायतको उपस्थिति रहेको थियो ।