२४ पुष / अर्थ र व्यापार- नेपाल एसोसिएसन अफ टुर एण्ड ट्राभल एजेन्टस् (नाट्टा) को आगामी पुष २८ गते हुने निर्वाचनका नाट्टाका वर्तमान द्वितीय उपाध्यक्ष दीपेन्द्र कुमार घिमिरे (डि.के शर्मा)  समुहले पत्रकार सम्मेलन गरी प्यानल र घोषणापत्र सार्वजनिक गरेको छ ।

दीपेन्द्र कुमार घिमिरे प्यानलबाट प्रथम उपाध्यक्षमा चित्र बहादुर गुरुङ, द्वितीय उपाध्यक्षमा संगीता जिरेल बादे, महासचिवमा विनय बस्नेत, सचिवमा सविता के.सि.भट्टराई, कोषाध्यक्षमा राम प्रसाद श्रेष्ठ र सह–कोषाध्यक्षमा युवराज सुवेदी तथा सदस्यहरुमा अमृत कुमार ढकाल, रवि थापा,सन्तोष कुमार क्षेत्री,बेन्जु श्रेष्ठ मुखिया, डोलप्रसाद अर्याल,रघनाथ परियार, गीता ढकाल र विनोद कार्कीको उम्मेदवारी परेको छ ।

पत्रकार सम्मेलनमा अध्यक्षका उम्मेदवार शर्माले नाट्टामा राजनैतिक संस्कारको विकाश गर्न प्रयास भएकोले त्यस्तो दुस्प्रयासलाई अघि बढ्न नदिने उद्देश्यले आफ्नो समुह निर्माण भएको वताउँदै १५ बुँदे घोषणापत्र सार्वजनिक गरे । घोषणापत्रमा नाट्टालाई राजनीतक संक्रमणवाट जोगाउने,पर्यटन विभागले खारेज गरेका सम्पूर्ण ईजाजत पत्रहरुलाई नविकरणको अवसर सिर्जना गर्ने, आएटासंग आपसी समझदारी वृद्धि गर्ने लगायतका उल्लेख छन ।

कार्यक्रममा नाट्टाका पूर्व अध्यक्षहरु रविन्द्रमान सिंह प्रधान,भोलाविक्रम थापा,रामकाजि कोने,डि.बि.लिम्बु,पवित्रकुमार कार्की तथा वर्तमान अध्यक्ष मधुसुदन आचार्य लगायतको पनि उपस्थिति थियो ।