१ भदौ / अर्थ र व्यापार- नेपाल एशोशियसन अफ टुर एण्ड ट्राभल एजेन्ट्स (नाट्टा) ले एक कार्यक्रमको आयोजना गरि मिस टुरिजम–२०१९ कि विजेता आरजु पोखरेल, फस्र्ट रनर अप युसिका तुलाधर र सकेण्ड रनर अप सविता न्यौपानेलाई बधाई ज्ञापन गरेको छ । विजेताहरुलाई नाट्टाका अध्यक्ष सि.एन.पाण्डे,सचिव सविता के.सि.भट्ट्राई र सदस्यहरु गीता ढकाल र देवकि गुरुङले सम्मान गरेका थिए ।

कार्यक्रममा बोल्दै नाट्टाका अध्यक्ष सि.एन.पाण्डेले मिस टुिरजमका विजेताहरुले पर्यटन क्षेत्रका सकारात्मक विषयवस्तुहरुलाई आम युवाहरुसम्म पु¥याउन पहल गर्नुपर्ने वताए । “ युवाहरुलाई नेपालको पर्यटन क्षेत्रमा आकर्षित गर्न र यहाँभित्रका सकारात्मक विषयहरुलाई समाजका विभिन्न क्षेत्रमा पु¥याउन मिस टुरिजमका विजेताहरुले भुमिका खेल्नुपर्छ”–अध्यक्ष पाण्डेले भने । त्यसवाहेक नेपाल सरकारले घोषणा गरेको नेपाल भ्रमण वर्षलाई सफल पार्न युवाहरुको भुमिकालाई अझ प्रभावकारी वनाउन पनि मिस टुरिजमका विजेताहरुले सहयोग गर्नुपर्ने उनले वताए ।

कार्यक्रममा बोल्दै मिस टुरिजमको आयोजक संस्था प्वाईन्ट मिडिया प्रा.लि.का प्रबन्ध निर्देशक नविन काफ्लेले नेपालको पर्यटन क्षेत्रको राष्ट्रिय र अन्तर्राष्ट्रियस्तरमा प्रवद्र्धन गर्ने र पर्यटन क्षेत्रमा युवा र महिला सहभागिता वृद्धि गर्ने उद्देश्यले सन् २०१६ देखि मिस टुरिजमको आयोजना गरिएको वताए । उनले नाट्टाको सम्मानले विजेताहरुलाई नेपालको पर्यटन क्षेत्रमा अझ वढि क्रियालि वनाउन सहयोग गर्ने वताए ।

कार्यक्रममा मिस टुरिजम–२०१९ आरजु पोखरेल,फस्र्ट रनर अपर युसिका तुलाधर र सेकेण्ड रनर अप सविता न्यौपानेले आगामी दिनमा पनि नाट्टाले आगामी दिनमा गर्ने पर्यटन प्रवद्र्धनका गतिविधिहरुमा आँफुहरुको सक्रिय सहभागिता रहने वताए । कार्यक्रममा नाट्टाका पदाधिकारी एवं कार्यसमिति सदस्यहरुको सहभागिता रहेको थिए ।