२२ असोज/अर्थ र व्यापार- प्वाईन्ट मिडिया प्रा.लि.ले आयोजना गर्ने “मिस टुरिजम–२०१७” को ग्राण्ड फाईनल आगामी कात्र्तिक २४ गते (नोभेम्बर १०) मा दि मल्ल होटल काठमाडौंमा हुने भएको छ । 

“मिस टुरिजम–२०१७” को अडिसन वाट छानिएका उत्कृष्ठ दश प्रतियोगीहरु ग्राण्ड फाईनलमा प्रस्तुत हुनेछन । ग्राण्ड फाईनलमा वरिष्ठ पर्यटन व्यवसायि, पर्यटनविज्ञ तथा कोरियोग्राफर र मोडलिङ क्षेत्रका ख्याति प्राप्त व्यक्तिहरु निर्णायकको भुमिकामा रहने प्वाईन्ट मिडियाले जनाएको छ ।

प्वाईन्ट मिडिया प्रा.लि.ले राष्ट्रिय र अन्तर्राष्ट्रिय रुपमा नेपालको पर्यटन प्रवद्र्धन गर्ने उद्देश्यले “मिस टुरिजम–२०१७” को आयोजना गर्न लागेको प्वाईन्ट मिडिया प्रा.लि का प्रबन्ध निर्देशक नविन काफ्लेले वताए । यो कार्यक्रमले पर्यटन क्षेत्रमा युवा र महिला सहभागिता वृद्धि, महिला सशक्तिकरण र नेपाली नारीहरुलाई नयाँ अवसरहरुको सिर्जना गर्नुका साथै नेपालका पर्यटकीय गन्तव्यहरुको प्रवद्र्धन, आन्तरिक पर्यटकहरुको वृद्धि गर्दै नेपाललाई अन्तर्राष्ट्रिय क्षेत्रमा समेत प्रवद्र्धन गर्ने अपेक्षा रहेको काफ्लेले वताए ।

मिस टुरिजम–२०१७ लाई नगद पचास हजार रुपैयाँ, नेपालका स्थापित संस्था र उत्पादनको विज्ञापन खेल्ने अवसर तथा विभिन्न संस्थाका ब्राण्ड एम्बेसडर पनि नियुक्त गरिने जनाईएको छ । त्यस्तै मिस टुरिजम फस्ट रनर अप–२०१७ लाई नगद ३० हजार रुपैयाँ र मिस टुरिजम सेकेण्ड रनर अप–२०१७ लाई नगद २० हजार रुपैयाँ प्रदान गर्नुका साथै पर्यटन क्षेत्रमा अन्य अवसर हरु पनि प्रदान गरिने आयोजकले जनाएको छ । 

मिस टुरिजम–२०१७ को सह–प्रायोजकमा अर्थबाउण्ड एक्सपीडिसन प्रा.लि, बंैकिङ पार्टनरमा एनआईसि एशिया बैंक लिमिटेड, ट्रेकिङ पार्टनरमा मकालु एड्भेञ्चर प्रा.लि र सहयोगी संस्थाहरुमा अल्टिच्युड ¥यान्डोनी ट्रेकिङ प्रा.लि.,होटल पिनाकिनी, रिभरफन विच रिसोर्ट, काठमाडौं स्पा, सम्पदा गार्डेन रिसोर्ट, युनिक एड्भेञ्चर ईन्टरनेशनल,लाईफ हिमालयन ट्रेक्स एण्ड एक्सपीडिसन र एसएमएस पार्टनरमा स्पारो रहेका छन ।