२० चैत्र / अर्थ र व्यापार- विगत दुई दशकभन्दा लामो समयदेखि होटल व्यवसायमा सक्रिय ल्याण्डमार्क ग्रुपले काठमाडौंको दरवारमार्गमा ल्याण्डमार्क काठमाडौं होटल सञ्चालनमा ल्याएको छ । 

ल्याण्डमार्क ग्रुपले पोखरा र चितवनपछिमा होटल सञ्चालनको अनुभवपश्चात अन्य साझेदारहरुसंगको सहकार्यमा काठमाडौंमा होटल सञ्चालनमा ल्याएको हो । ल्याण्डमार्क काठमाडौंमा ४५ वटा डिलक्स रुम, २ वटा रेष्टुरेण्टका साथै सेमिनार हल समेत रहेको होटलका सञ्चालक सि.एन.पाण्डेले अर्थ र व्यापारलाई वताए । 

नेपाली र विदेशी पर्यटकहरुलाई लक्षित गरिएको होटलमा अतिथिहरुलाई स्तरीय सेवा प्रदान गरिने पाण्डले वताए ।“होटल क्षेत्रमा रहेको लामो अनुभवलाई पोखरा र चितवनपश्चात काठमाडौंमा नै लगाउने उद्देश्यले होटल सञ्चालनमा ल्याईएको हो”–सञ्चालक पाण्डेले भने ।