साउन १५/ अर्थ र व्यापार- नवनियुक्त संस्कृति, पर्यटन तथा नागरिक उड्ड्यन मन्त्री जितेन्द्र नारायण देवले पर्यटन मन्त्रालय अन्र्तगतका सम्पूर्ण निकायहरुलाई आगामी दुई महिना सम्मको कार्ययोजना तीन दिन भित्रमा आँफुलाई दिन निर्देशन दिएको वताएका छन् । त्यस्तै मन्त्री देवले आँफुले तीनवटा विमानस्थलहरु सम्पन्न गर्नुलाई प्रमुख प्राथमिकतामा राख्ने वताए । गौतमबुद्ध विमानस्थल,निजगढ विमानस्थल र पोखरा अन्तर्राष्ट्रिय विमानस्थलको काम समयमै सम्पन्न गर्नलाई विशेष ध्यान दिने वताए ।
राष्ट्रिय पर्यटन पत्रकार संघ(नाटोज) संगको भेटमा मन्त्री देवले नेपाल पर्यटन वोर्डमा स्रोत र साधन प्रशस्तै भए पनि त्यो अनुसारको काम हुन नसकेको वताए । नागरिक उड्ड्यन प्राधिकरण र नेपाल पर्यटन वोर्डमा स्रोत साधन प्रशस्तै भएपनि कर्मचारीहरु विचको दलियकरणका कारण उपलब्धिमुलक काम हुन नसकेको उनले वताए ।
भेटमा मन्त्री देवले आँफु दुई महिना कार्ययोजना अनुसार काम भए नभएको वारेमा हेर्ने र त्यसपछि कर्मचारीहरुमा दण्ड र सजाँयको व्यवस्था गर्ने वताए । भेटमा नाटोजका अध्यक्ष शिव अधिकारीले पर्यटन क्षेत्रमा रहेका समस्याहरु वारे जानकारी गराउँदै तिनको समाधानमा मन्त्रीले ध्यान दिनुपर्ने सुझाव दिएका थिए । एक अर्को प्रसंगमा मन्त्री देवले आँफु नाटोजसंग सहकार्य गरेर काम गर्ने वताए ।
तपाईको प्रतिक्रिया