१५ असोज/अर्थ र व्यापार– कोरोना महामारीबीच झापाको धुलाबारीमा पाँच तारे होटल ‘होटल मेची क्राउन बाइ द पिक’ सञ्चालनमा आएको छ । 

पूर्वको प्रवेशद्वार र एउटा द्रुत विकासशील व्यापारीक केन्द्रको रूपमा रहेको झापास्थित धुलाबारीमा करिबडेढ अर्ब लगानीमा होटल सञ्चालन आएको हो।

पाँच तारे होटल ‘होटल मेची क्राउन बाइ द पिक’ भद्रपुर विमानस्थलबाट १७ किलोमिटर र भारतको बागडोग्रा विमानस्थलबाट २५ किलोमिटरको दुरीमा रहेको छ।  

भारतीय क्षेत्रमा यस प्रकारका होटल नभएकोले भारत, नेपाल र बंगलादेशका पर्यटकका लागि समेत रोजाई बन्ने विश्वास व्यवस्थापनको छ। 

होटल ८ बिघा जमिनमा फैलिएको छ । सो होटलमा भीआइपी आगमनका लागि आफ्नै निजी हेलीप्याडको समेत व्यवस्था छ भने ५ सयभन्दा बढी सवारी साधन पार्किङको सुविधा छ। 

होटलमा १०५ कोठामध्ये ५ मेचीसुइट्स रुम, १० वटा एगजुकेटिभ भिला रुम, १९ मेची क्लब रुम र ७१ वटा डिलक्स रुम उपलब्ध छन्।

विवाह, बैठक, सम्मेलन, सेमिनार आदीका लागि पनि सुबिधा सम्पन्न हलहरु तथा दुई वटा रेष्टुरेन्ट छन् ।
पाँच तारे होटल मेची क्राउनमा होटल तथा क्यासिनो पूर्ण रुपमा सञ्चालन भएपछि करिब ९ सय नेपालीले प्रत्यक्ष रोजगारी पाउनेछन्। 

प्रदेश १ मा तारे होटलको अभाव भएको समयमा यो होटल संचालन आएसँगै होटल तथा हस्पिटालिटि क्षेत्रमा एक कदम अग्रगामी कदम सुरु भएको होटलद्धारा जारी विज्ञप्तिमा उल्लृख छ ।