१६ जेठ/अर्थ र व्यापार - अर्थमन्त्री कृष्ण बहादुर महराले आर्थिक वर्ष २०७४÷७५ का लागी सार्वजनिक गरेको वजेटले पर्यटन क्षेत्रलाई सम्बोधन नगरेको प्रतिक्रिया पर्यटन व्यवसायिहरुले दिएका छन ।

अर्थ र व्यापार संग कुरा गर्दै नेपाल पर्यटन वोर्डका सदस्य तथा पर्यटन व्यवसायि राजेन्द्र सापकोटाले नेपालमा कृषि,उर्जा र पर्यटन क्षेत्र लाई प्राथमिकताको क्षेत्र भनेर भन्ने गरिए पनि हिजो अर्थमन्त्रीले प्रस्तुत गरेको वजेटले पर्यटन क्षेत्रलाई छुँदै नछोएको वताए । “विमानस्थलको सुधार गर्ने भन्ने विषय बाहेक वजेटले पर्यटन क्षेत्रका कुनै पनि विषयवस्तु सम्बोधन गरेन,वरु अघिलो वर्ष भएका कार्यक्रमहरु पनि काटियो”सापकोटाले भने । बजेट हेर्दा यो मुलुकमा पर्यटन क्षेत्र पनि छ भन्ने जस्तो नलाग्ने उनको प्रतिक्रिया थियो ।

नेपाल योग एशोशयिसनका अध्यक्ष तथा टानका पूर्व महासचिव मोहन लम्सालले आर्थिक वर्ष २०७४÷७५ को वजेट पर्यटन क्षेत्रको लागी ईतिहासकै कालो वजेट रहेको वताए । वजेटले पर्यटन क्षेत्रको विद्यमान कुनै पनि समस्याहरु सम्बोधन नगरेको उनको भनाई छ । त्यसैगरी नेपाल एशोशियसन अफ टुर्स एण्ड ट्राभल एजेन्ट्स(नाट्टा) का महासचिव भिम प्रसाद पन्तले वजेटले पर्यटन क्षेत्रलाई प्रत्यक्ष नछोएको वताए ।