२५ चैत्र / अर्थ र व्यापार- आगामी बैशाख १ गतेदेखि ११ गतेसम्म काठमाडौंको पशुपतिक्षेत्रमा श्रीमद्भागवत विराटज्ञान महायज्ञ सञ्चालन हुने भएको छ । चितवनको देवघाटमा ३० फिट अग्लो अष्टधातुद्वारा निर्मित शिवमुर्ति,पुजाकोठा,संग्रहालय,रमणीय उद्यान, स्नानघर,विश्रामघर निर्माण गरि विश्वसम्पदा सुचीमा सुचिकृत गर्ने उद्देश्यले महायज्ञ गर्न लागिएको हो ।

गत वर्ष युएस वंगला विमान दुर्घटनामा पुर्नजीवन प्राप्त गरेका वरिष्ठ पर्यटन व्यवसायी केशव पाण्डेको संयोजकत्वमा देवघाटधाम संरक्षण प्रतिष्ठान चितवनले महायज्ञको आयोजना गरेको हो । विशाल शिवमुर्तिको निर्माणपश्चात देवघाट तथा चितवन क्षेत्रमा आन्तरिक तथा वाह्य पर्यटकको चहलपहल वढ्ने र सो क्षेत्रको पर्यटन गतिविधि बढ्ने आयोजकको अपेक्षा छ । देवघाटधामलाई भारतको हरिद्वार क्षेत्र जत्तिकै पवित्र मानिन्छ ।

 महायज्ञ विश्वविख्यात कथावाचक पण्डित ईश्वर कृष्णजी महाराजको मुखारविन्दवाट हुनेछ । महायज्ञले पवित्रभुमि देवघाटधामको पर्यटन विकास तथा देवघाट क्षेत्रमा पर्यटकीय पूर्वाधार निर्माणमा सहयोग पु¥याउने महायज्ञ तथा अध्यामिक पर्यटनका अभियन्ता राजन सिम्खडाले वताए । 

महायज्ञमा तीन करोड बेलपत्र अर्पण गर्ने,अष्टधातु तथा अन्य दानहरु पनि संकलन गर्ने कार्यक्रम रहेको छ । विश्वमा अध्यात्मिक चेतना बढ्दै गएको परिप्रक्ष्यमा हिमवत् खण्डको पुण्यभुमि नेपालमा धार्मिक तथा अध्यात्मिक पर्यटकिय पूर्वाधार निर्माणको अभियान स्वरुप यो अलौकिक अष्टधातुको मुर्ति निर्माण गर्न लागीएको सिम्खडाले वताए ।