२ कात्तिक/अर्थर व्यापार– बर्दिया राष्ट्रिय निकुञ्जले पर्यटकका लागि जंगल सफारी खुला गरेको छ । 

कोरोना महामारीका कारण चैत ७ गतेदेखि बाह्य तथा आन्तरिक पर्यटकका लागी बन्द रहेको बर्दिया राष्ट्रिय निकुञ्ज स्वास्थ्य सुरक्षा मापदण्ड अपनाएर घुम्न पाइने गरी आज आईतबार बाट खुला गरिएको हो ।     

निकुञ्ज प्रशासनले तोकिएका मार्गमा मात्रै जंगल सफारी र सवारी साधनमा समेत यात्रा गर्न पाउने गरी खुला गरिएको जनाएको छ ।

निकुञ्जका सहायक संरक्षण अधिकृत महेश्वरप्रसाद निरौलाले सवारी साधनबाट सिट क्षमताको बढीमा ६० प्रतिशत मात्र पर्यटक राख्न पाइने छ भने पैदल यात्राका लागि एक पटकमा पथप्रदर्शक सहित चार पर्यटक मात्र प्रवेश गर्न पाइने बताए 

पर्यटकहरुलाई  लक्षित गर्दै तीन अर्ब ५० करोडभन्दा बढीको लगानीमा यस क्षेत्रमा २९ वटा सुविधा सम्पन्न होटल तथा रिसोर्ट छन् ।