५ असोज/अर्थ र व्यापार– ‘हिम चितुवा’ उपनामले विश्व चर्चित पर्वतारोही आङरिता शेर्पाको निधन भएको छ । 

नेपाल पर्वातारोण संघका पूर्वअध्यक्ष आङछिरिङ शेर्पाका अनुसार सोमबार विहान १० बजे जोरपाटीस्थित आफ्नो छोरीको घरमा शेर्पाको निधन भएको हो । उनी लिबर र ब्रेन सम्बन्धी समस्याबाट पीडित थिए ।

शेर्पाले १० पटक बिना अक्सिजन सर्वोच्च शिखर सगरमाथा आरोहण गरेर विश्व रेकर्ड बनाएको थियो । शेर्पाले सगरमाथा मात्र नभई विनाअक्सिजन पाकिस्तानको माउन्ट केटु, नेपालका ल्होत्से, चोयु, मनास्लु, धौलागिरि अन्नपूर्णलगायत दर्जनौँ हिमालको पटकपटक आरोहण गरेका थिए ।

उनका तीन छोरा र एक छोरी छन् । आङरिता छोरीसँग बस्दै आएका थिए । उनको पत्नीको सात वर्षअघि निधन भएको थियो ।