१४ कात्तिक/अर्थ र व्यापार – काठमाडौको ताहाचलस्थित पाँचतारे सोल्टी होटल लिमिटेडले सेयरधनीका लागि लाभांश घोषणा गरेको छ ।
कम्पनीको सञ्चालक समिति बैठकले सेयरधनीलाई करसहित २६ दशमलब ८४ प्रतिशत नगद लाभांश र १० प्रतिशत बोनस सेयर घोषणा गरेको हो । यसको सेयर अंकित मूल्य प्रतिकित्ता १० रुपैयाँ हो ।
त्यसैले लगानीकर्तालाई यस कम्पनीले प्रतिकित्ता २ रुपैयाँ ६८ पैसा नगद लाभांश र १ सय कित्ता सेयर बराबर १० कित्ता बोनस दिने हो । यसअघि मंगलबार बजार बन्द हुँदा मूल्य प्रतिकित्ता ५३६ रुपैयाँ छ ।
यसैगरी, यस होटलले लाभांश पारित गर्नका लागि आगामी ४ पुसका लागि साधारणसभा पनि बोलाएको छ । आगामी १३ मंसिरका लागि कम्पनीले बुक क्लोजको मिति तय गरेको छ । मंसिर १२ गतेसम्म कायम सेयरधनीले लाभांश र साधारणसभामा भाग लिन योग्य हुनेछन् ।
तपाईको प्रतिक्रिया