फेरि विमानस्थलको सर्भर डाउन, हवाई उडान प्रभावित
२ असोज/अर्थ र व्यापार – त्रिभुवन अन्तर्राष्ट्रिय विमानस्थलस्थित अध्यागमन कार्यालयको सर्भर बिग्रिँदा (डाउन) कम्तीमा तीन वटा विमानको उडानमा रहेका सयौं यात्रुले लामो समय विमानस्थलको अध्यागमन चेकिङमा रोकिनु प¥यो । सर्भर विग्रिएको बेला म्यानुअल्ली कागजात चेक गर्न अध्यागमनका कर्मचारीले ढिलाई गरिदिएका कारण सयौं यात्रुको उडान समेत प्रभावित बन्यो । विभिन्न गन्तब्यको उडानकालागि विमानस्थल पुगेका हवाई यात्रुले संधैको सर्भर डाउन हुने समस्याका कारण अनावस्यक सास्ती भोग्नुपरिरहेको छ । केहीको उडान समेत छुट्ने गरेका कारण यात्रु थप मारमा परेका छन ।
यताबाट जाने मात्र नभएर विभानस्थको अध्यागमन कार्यालयको यात्रु चेक जाँच गर्ने सर्भर डाउन भएपनि विदेशबाट फर्किँदै गरेका सयौं यात्रु पनि अध्यागमन कार्यालयबाट विमानस्थल बाहिर निस्किन ढिलाई हुने गरेको छ ।
अन्तर्राष्ट्रिय उडान भर्ने वायुसेवाहरुको विमानस्थलस्थित संस्था ‘बोर्ड अफ एयरलाइन्स रेप्रजेन्टेटिभ्स इन नेपाल (बान)’ का एक विदेशी प्रतिनिधिका अनुसार, मंगलबार बिहान ९ः१० बजेदेखि बिग्रिएको सर्भर लामो समय बनेको थिएन ।
विमानस्थलको सर्भर बिग्रिएका कारण अध्यागनका कर्मचारीले हातले लेखेर भिसा सम्बन्धी सेवा दिइरहेका छन् । यो जोखिमयुक्त हो । सर्भर बिग्रिँदा बायोमेट्रिक रेकर्ड राख्न सकिँदैन । यसरी नेपालमा रहेको अपराधी उम्किने वा नेपाल पस्ने (लुक्न आउने) उच्च जोखिम हुन्छ ।
विदेशी वायुसेवाका कम्पनीका नेपाली कर्मचारीले सर्भर बिग्रिएपछि अध्यागमन कार्यालयका कम्प्युटरबाट विदेश जाने र फर्किने यात्रुको राहदानीमा छाप लगाउने, भिसा दिने, जरिवाना लगायतका राहदानीसँग सम्बन्धित काममा ढिलाई भएको बताए ।
मंगलबार विमानस्थलको अध्यागमनको सर्भर विग्रिएकै कारण ‘दिल्ली जाने इन्डिगो १७ मिनेट ढिलो मात्र उडेको थियो। यसैगरी, भुटान जाँदैगरेको ड्रियुक एयर पनि समयमै उड्न पाएको थिएन ।
नेपाल वायुसेवा निगमको दिल्ली, थाई स्माइलको बैंकक र इन्डिगोको अर्को दिल्ली उडान पनि निकै डिले भएको थियो । १२ बजेसम्म कम्तीमा ७ सय यात्रु प्रभावित भएको सम्बन्धीत वायुसेवा कम्पनीका प्रतिनिधीहरुले बताएका छन ।
सर्भर बिग्रिएको विषयमा त्रिभुवन विमानस्थलस्थित अध्यागमन कार्यालयका प्रमुख गोगनबहादुर हमालले सिंहदरबारमा रहेको राष्ट्रिय सूचना प्राविधिक केन्द्र (जीआईडीसी) मा सफ्टवेयर अध्यावधिक (अपडेट) गर्नेक्रममा विमानस्थलको सर्भरमा पनि समस्या आएको दावी गरे । तर, राष्ट्रिय सूचना प्रविधि केन्द्रका कर्मचारीले भने सो समस्या केन्द्रबाट नभएर विमानस्थलबाटै भएको बताए ।
विमानस्थलको सर्भर बिग्रिएको यो पहिलो घटना होइन । यसअघि पनि दर्जनौं पटक सर्भर डाउन हुँदा ५ घन्टासम्म उडान प्रभावित भएका थिए ।
सम्बन्धित शीर्षकहरु
मुख्य खबर
तीनकुनेमा राजावादीको प्रदर्शन: प्रहरी र प्रदर्शनकारीबीच झडप, क्षणभरमै रणमैदान
काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ ।
नेपालको गरिबी निवारणमा रेमिट्यान्सको भूमिका महत्वपूर्ण : विश्व बैंक
विश्व बैंकले नेपालको गरिबी निवारणमा रेमिट्यान्सको भूमिका महत्वपूर्ण रहेको जनाएको छ । यसैगरी, विश्व बैंकले नेपालले चरम गरिबी लगभग निवारण गरेको र गरिबी न्यूनीकरणमा उल्लेखनीय सफलता हासिल गरेको बताएको छ ।
सरकारले संसदमा दर्ता गर्यो सामाजिक सञ्जालसम्बन्धी विधेयक
सरकारले सामाजिक सञ्जालसम्बन्धी विधेयक संसदमा दर्ता गराएको छ । राष्ट्रिय सभामा सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले सो विधेयक संसदुमा दर्ता गराएका हुन् ।
स्वदेशी र विदेशी पर्यटकको आकर्षक गन्तव्य बन्दै रिभरफन बिच रिसोर्ट
चितवनको कुरिनघाटस्थित रिभरफन बिच रिसोर्टमा लगानी थपेर क्षमता विस्तार गरिएपछि रिसोर्ट एजुकेशन र एड्भेञ्चर हवको रुपमा विकास भएको छ । रिभरफन बिच रिसोर्ट, काठमाडौंवाट ९९ किलोमिटर दुरीमा
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया