१७ भदौ/अर्थ र व्यापार – नेपाल पर्यटक यातायात व्यवसायी संघ (एनटिभिए)को २० औँ वार्षिक साधारणसभामा बेदराज बास्तोलाले अध्यक्षमा उम्मेदवारी दर्ता गरेका छन । आगामी मंगलबार हुने निर्वाचनमा अध्यक्षका प्रत्यासी उम्मेदवार बास्तोलाको सम्पूर्ण प्यानलले उम्मेदवारी दर्ता गरेको हो ।

अध्यक्षका प्रत्यासी उम्मेदवार शुलक्ष्मी ट्रान्सपोर्टका प्रवन्ध निर्देशक बास्तोलाको प्यानलबाट बरिष्ठ उपाध्यक्षमा व्यावसायी रमेश गौतम, उपाध्यक्षमा विनोद तामाङ, महासचिवमा केदारनाथ कट्टेल, सचिवमा तेज लामा ,कोषाध्यक्षमा रामकुमार बस्नेत ,सदस्यहरूमा टेक पुन मगर,नकुल तिमल्सिना,राम आचार्य र नबराज अर्याल लगायत चुनावी मैदानमा उत्रिएका छन्।
उनको यस समुहलाई संघका पूर्व अध्यक्षहरुको समेत समर्थन रहेको छ । निर्वाचन तालिका अनुसार आइतबार उम्मेदवारको मनोनयन दर्ता भएको छ। संघको साधारण सभा भने आगामी २२ भदौमा हुँदै छ ।