पर्यटक आगमन संख्या बढ्यो,अप्रिलमा मात्र ९९ हजार नेपाल भित्रिए
२० बैशाख/अर्थ र व्यापार – अहिले विविभन्न देसबाट नेपाल भित्रिने पर्यटक आगमन संख्या बढेको छ । अप्रिल २०२३ मा विभिन्न देशबाट ९८ हजार सात सय ७३ विदेशी पर्यटक नेपाल भ्रमणमा आएका छन्।
यो संख्या कोभिडअघि अप्रिल २०१९ को तुलनामा ९०.२८ प्रतिशतले वढी हो । अप्रिलमा एक लाख नौ हजार तीन सय ३९ पर्यटक नेपाल भ्रमणमा आएको पर्यटन बोर्डको तथ्यांक छ।
गत वर्षको अप्रिल (सन् २०२२) मा भन्दा ३७ हजारभन्दा बढी पर्यटक नेपाल भ्रमणमा आएको देखिएको छ । अप्रिल २०२२ मा ६१ हजार पाँच सय ८९ पर्यटक नेपाल भ्रमणमा आएका थिए।
कोभिड महामारी सुरु भएपछि सन् २०२० पर्यटक आगमन स्वात्तै घटेको थियो । सो वर्षको अप्रिलमा १४ जना मात्र पर्यटक आएको थियो । कोभिड कम हुँदै गएपछि अप्रिल २०२१ मा २२ हजार सात सय ३२ पर्यटक आएका थिए।
कोभिड महामारी कम हुँदै गएपछि २०२२ देखि नै विदेशी पर्यटक आगमन सुधार हुँदै गएको हो। सन् २०२२ मा कुल ६ लाख १४ हजार पर्यटक आएको पर्यटन बोर्डले जनाएको छ।
अप्रिल २०२३ मा पनि सबैभन्दा बढी पर्यटक भारतबाट नै आएका छन् । एक महिनामा ३१ हजार चार सय ३७ भारतीय नेपाल भ्रमणमा आएको तथ्यांक छ । अमेरिकाबाट आठ हजार चार सय १३ पर्यटक आएर दोस्रो बनेको छ।
बेलायतबाट पाँच हजार चार सय नौ पर्यटक आएका छन् भने चीनबाट चार हजार सात सय ७० पर्यटक आएको बोर्डले जनाएको छ । अघिल्लो महिना मार्चमा करिब दुई हजार ६ सय चिनियाँ नेपाल आएका थिए।
यस्तै, अस्ट्रेलियाबाट तीन हजार आठ सय २८, जर्मनीबाट तीन हजार दुई सय ४६, फ्रान्सबाट तीन हजार दुई सय ११, रसियाबाट दुई हजार ६ सय ६७, बंगलादेशबाट दुई हजार दुई सय १७ र थाइल्यान्डबाट दुई हजार एक सय दुई पर्यटक नेपाल भ्रमणमा आएका छन्।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया