२४ फागुन/अर्थ र व्यापार – अन्तर्राष्ट्रिय महिला दिवसको अवसर पारेर मुलुकको राष्ट्रिय ध्वजाबाहक नेपाल वायुसेवा निगमले बुधबार नयाँ इतिहास बनाएको छ ।
निगमको बुधबारको दुबई–काठमाडौं रुटमा उडेको ए३२० विमानको सबै चालकदलका सदस्य महिला थिए । जसमा चालक भावना पन्त र सह चालक सृजना रावतले निगमको विमान उडाएका थिए ।
सो विमानको एयरहोस्टेस समेत सबै महिला राखेसँगै यो उडानको सम्पूर्ण जिम्मेवारी महिलाले सम्हालेका हुन् । यो टोलीलाई त्रिभुवन अन्तर्राष्ट्रिय विमानस्थलमा संस्कृति, पर्यटन तथा नागरिक उड्डयनमन्त्री सुदन किराँतीले स्वागत गरेका थिए ।
दुई दिन अघि चालक दलको यसै जोडीले यो विमान पहिलोपक काठमाडौबाट उडाएर दुबई लगेको थियो । त्यो दिनको पहिलो उडान पनि आफैंमा निगम र नेपालकालागि इतिहास थियो । बुधबार ११३औं अन्तर्राष्ट्रिय महिला दिवसको अवसर पारेर नेपाल वायुसेवा निगमले पुनः यो संयोग जुराएको हो ।
जसका कारण अन्तर्राष्ट्रि नारी दिवसको अवसरमा यस्तो साहसिक काम पुरै महिला चालकदलका सदस्यहरुबाट मात्र संभव भएको नयाँ रेकर्ड एवं गौरब बढाउन यो व्यवस्था गरिएको निगमले जनाएकोे छ ।