१६ फागुन/अर्थ र व्यापार – संस्कृति, पर्यटन तथा नागरिक उड्डयनमन्त्री सुदन किराँतीले अब गर्ने १० कामको सुची सर्वजानिक गरेका छन । मन्त्रालयमा आयोजित कार्यक्रममा आफुले पदबहार ग्रहण गरेको ४२ दिनमा सुधार गरेको ५ वटा बुँधा सहित मन्त्री किरातीले अब गर्ने १० कामको सुची सार्वजानिक गरेका हुन ।
मन्त्रलयमा पत्रकारहरु संग भेटघाट गर्दै १० बुँधामा अब गर्ने कामहरुको सुचि सार्वजानिक गरेका हुन ।
विभिन्न बुँधाहरु मध्ये नेपाल वायुसेवा निगमका विमान बारम्बार ग्राउण्डेड हुने समस्याबारे छानविन गर्न समिति बनाउने उनले बताए । उनले निगमका जहाजहरु प्राविधिक समस्या देखाउँदै ग्राउण्डेड गर्ने समस्या देखिएको भन्दैै यस विषयमा छानविन हुने बताए ।
उनले उड्डयन क्षेत्रमा महिलामाथि हुने दुर्व्यवहारको उजुरी लिन स्थायी युनिट स्थापना गर्ने बताए । उनले महिलाहरुमाथि हुने र्दुव्यवहारसम्बन्धी उजुरी लिने स्थायी युनिट निर्माण गर्ने तयारी भइरहेको बताए । केही दिनअघि निगमको विमानमा पाइलटहरुले विमान परिचारिकाहरुमाथि र्दुव्यवहार गरेको भन्दै उजुरी परेपछि आरोपीहरुलाई निलम्बन गरिएको थियो ।
मन्त्री किरातीले आफूले मन्त्री भएपछि पाँच वटा काम गरेको बताउँदै पशुपति विश्वविद्यालय स्थापनालगायतका १० वटा आफ्ना योजना सुनाए । आफू आएपछि नेपाल वायुसेवाको अनलाइन टिकेटिङ सुचारु भएको, सरसफाइ र व्यवस्थापकीय सुधार भएको, हवाई सुरक्षासम्बन्धी काम गर्न निर्देशन दिएको, लुम्बिनी गुरुयोजना अध्ययन र प्रतिवेदन साथै विमानस्थल तथा अन्य विभागीय क्षेत्रमा इन्टरनेटको चुस्त व्यवस्थापन गरेको बताए ।
यसैगरि, उनले सरसफाई संस्थागत गर्न निर्देशिका तयार गरिने, सम्पदा क्षेत्रमा (हप एण्ड हप अप) यातायत सञ्चालन गर्ने तयारी रहेको बताए । हवाई नागरिक उडड्यन विद्येक प्रक्रिय बढाउने, गौत्तमबुद्ध अन्तराष्ट्रिय विमानस्थल सञ्चालन गर्न कुटनितिक पहल थाल्ने, भरतपुर विमानस्थल विस्तार गर्ने र नमस्ते पर्यटक सेवा विस्तार गर्ने १० बुँधमा समेटिएकाछन् ।

माई खोला हाइड्रोपावरले २५ फागुनबाट आइपीओ निष्कासन गर्ने
काठमाडौं÷रास– माई खोला हाइड्रोपावरले यही फागुन २५ गतेदेखि साधारण सेयर निष्कासन गर्ने भएको छ । कम्पनीले आयोजना प्रभावित क्षेत्रका बासिन्दा तथा वैदेशिक रोजगारीमा रहेका नेपालीका लागि प्राथमिक सार्वजनिक निष्कासन (आइपीओ)को बिक्री खुला गर्ने भएको हो ।
कम्पनीले जारी पुँजी ३९ करोड २१ लाख ५६ हजार आठ सयको १० प्रतिशत अर्थात् तीन करोड ९२ लाख १५ हजार सात सय बराबरका एक सय दरका तीन लाख ९२ हजार एक सय ५७ कित्ता साधारण शेयर आयोजना प्रभावित क्षेत्र इलामका बासिन्दाका लागि निष्कासन गर्न लागेको हो ।
यसैगरि, एकलाख ५२ हजार नौ ४१ कित्ता सेयर सम्बन्धित निकायबाट श्रम स्वीकृति प्राप्त गरी विदेशमा रोजगारमा रहेका नेपालीका लागि निष्कासन गरिने कम्पनीले सार्वजनिक गरेको आह्वानपत्रमा उल्लेख छ ।
निष्कासन गरिने सेयरमा आयोजना प्रभावित क्षेत्रका बासिन्दाले सेयर खरिदका लागि न्यूनतम १० देखि अधिकतम १० हजार कित्तासम्म आवेदन दिन सक्नेछन् भने वैदेशिक रोजगारमा रहेका नेपालीले अधिकतम ५० हजार कित्तासम्मका लागि आवेदन दिन सक्नेछन्।
त्यसमा आयोजना प्रभावित क्षेत्रका बासिन्दाका लागि निष्कासन बन्द छिटोमा आगामी ९ चैतमा हुनेछ भने ढिलोमा २४ चैतमा हुने सो कम्पनीले जनाएको छ । वैदेशिक रोजगारीमा रहेका नेपालीले भने आगामी ९ चैतभित्र आवेदन दिनुपर्नेछ ।
स्थानीय बासिन्दाले हाइड्रोपावरको कार्यालय, प्रभु बैंक, सेञ्चुरी बैंक, प्राइम कमर्सियल बैंकका तोकिएका शाखा कार्यालयका साथै प्रभु क्यापिटलले तयार पारेको अनलाइन व्यवस्थाबाट आवेदन दिन सक्नेछन् ।
यसैगरि, वैदेशिक रोजगारीमा रहेका नेपालीले आस्वा सदस्य बैंक तथा वित्तीय संस्था र तिनका तोकिएका शाखा कार्यालय र अनलाइनमार्फत ‘मेरो सेयर’ प्रणाली प्रयोग गरेर आवेदन दिन सक्ने कम्पनीले जनाएको छ ।
कम्पनीको सेयर निष्कासन तथा बिक्री प्रबन्धक प्रभु क्यापिटल लिमिटेड रहेको छ । आइपीओ निष्कासनका लागि गराएको रेटिङमा इक्रा नेपालले कम्पनीलाई ‘इक्रा एनपी इस्युअर बिबी प्लस’ रेटिङ प्रदान गरेको छ । कम्पनीले इलाममा तीन मेगावाट क्षमताको जलविद्युत् आयोजना निर्माण गरी विद्युत् उत्पादन गरी राष्ट्रिय प्रसारण लाइनमा जडान भई बिक्रीसमेत गरिरहेको छ ।