१९ पुस/अर्थ र व्यापार – शनिबारदेखि बिदा भएको सन् २०२२ को एक वर्षको अवधीमा विभिन्न मुलुकबाट ६ लाख १४ हजार १४८ जना पर्यटक नेपाल भित्रिएका छन् । यो संख्या नेपालमा कोरोना विश्व महामारी सुरु हुनु भन्दाअघि एवं सन् २०१९ को तुलनामा ५१ दशमलव २९ प्रतिशतले बढी हो ।
अन्तर्राष्ट्रिय विमानस्थलस्थित अध्यागमन कार्यालयको तथ्यांकलाई आधार बनाएर नेपाल पर्यटन बोर्डले यस्तो जानकारी गराएको हो । पर्यटन बोर्डका अनुसार भर्खरै समाप्त भएको सन २०२२ को एकवर्षको अवधीमा कुल ६ लाख १४ हजार १४८ जना पर्यटक विभिन्न देसबाट हवाई मार्गहुँदै नेपाल भित्रिएका छन । यो संख्या सन् २०२१ को तुलनामा ३०९ दशमलव ७५ प्रतिशत र सन् २०२० को तुलनामा १६६ दशमलव ९२ प्रतिशतले बढी हो ।
सन् २०२२ मा सबैभन्दा धेरै भारतीय पर्यटक नेपाल आएका छन् । पर्यटन बोर्डले जनाकारि गराए अनुसार समिक्षा अवधीमा २ लाख ९ हजार १०५ जना भारतीय नेपाल आएका छन् । दोस्रोमा अमेरिकी छन् । ७७ हजार ९ जना अमेरिकी नेपाल आएका छन् ।
यसैगरि, सो अवधीमा विदेशी नेपाल भित्रिने तेस्रोमा बेलायती रहेका छन् । समिक्षा अवधीमा बेलायतबाट कुल ४४ हजार ७८१ जना पर्यटक नेपाल आएको पर्यटन बोर्डले जनाएको छ । त्यसैगरि, अस्ट्रेलियाबाट २६ हजार ८७४ जना पर्यटक नेपाल आएका छन् ।
सो अवधीमा सार्क दक्षिण एसियाली मुलुक बंगलादेशबाट २५ हजार ३८४ जना पर्यटक नेपाल आएका छन् ।