दिल्ली उडान कटौतीबारे पर्यटनमन्त्रीसहित प्राधिकरण र निगमका प्रतिनिधिबीच छलफल, समन्वय गर्न निर्देशन
१४ कात्तिक/अर्थ र व्यापार – आइतबारबाट दिल्ली उडान तालिका कटौती गरिएको विषयलाई लिएर सोमबार संस्कृति, पर्यटन तथा नागरिक उड्डयनमन्त्री जीवनराम श्रेष्ठ सहितको नेपाल नागरिक उड्डयन प्राधिकरण र नेपाल वायुसेवा निगमका प्रतिनिधिबीच छलफल भएको छ ।
सोमबारको मन्त्रीस्तरीय बैठकमा निगमले संचालक समितिबाट पास भएपछि मात्र गौतमबुद्ध अन्तर्राष्ट्रिय विमानस्थबाट उडान भर्ने जनाएको सो छलफलमा सहभागी एक अधिकारीले बताए।
‘आन्तरिक अफिस तयार छ । अन्तर्राष्ट्रिय उडान भर्नुपर्ने अवस्थामा हामी यसैलाई विस्तार गर्नेछौं। ग्राउण्ड ह्याण्डलिङ सेवा प्रदायक भएका कारण एक चरणको सेटअप तयार भइसकेको जानकारि गराउँदै सो छलफलमा सहभागी एक अधिकारीले भने,’अझै व्यवसायीक उडान व्यवस्थापन गर्नेकाम बाँकी छ । संचालक समितिको स्वीकृतिपछि प्रक्रिया अघि बढाउनेछौं।’
उनले नयाँ विमानस्थलबाट बेस अथवा टचडाउनमध्ये कस्तो प्रकारको उडान गर्ने विषय टुंगो लाग्न बाँकी नै रहेको जानकारी दिए । आइतबार प्राधिकरणले जारी गरेको विन्टर सेड्युलविपरीत उडान गरेको भन्दै निगमको काठमाडौं–दिल्ली उडान रोकिदिएको थियो। निगमले पूर्व तयारीका लागि डिसेम्बर ३० सम्म म्याद माग गर्दा पनि नदिएको जनाएको छ।
अन्तर्राष्ट्रिय वायुसेवालाई भैरहवाबाट उडान भर्न प्रयाप्त समय दिइएको बताउँदै ति अधिकारीले भने, ‘आफ्नै मुलुकको वायुसेवालाई यसरी दबाबमा पार्नुको कारण बुझ्न सकिएन ।’
सो प्रकरणमा मन्त्री श्रेष्ठले निगम र प्राधिकरणबीच समन्वय कमी भएको बताए । उनले राज्यले गरेको निर्णयमा मन्त्रालयसँग समन्वयमा बस्न आवश्यक रहेको बताए । निगमका अनुसार प्राधिकरणले जारी गरेको विन्टर सेड्युल अनुसार टीआइएबाट हुँदै आएको कुल १४ मध्ये साताको १० वटा मात्र उडान भर्न पाउने व्यवस्था गरिएको छ ।
प्राधिकरणले आगामी डिसेम्बर १६ बाट लागू हुने गरी एयर अरेबिया, फ्लाइ दुबई, कतार एयरवेज लगायत अन्तर्राष्ट्रिय वायुसेवालाई गौतमबुद्ध अन्तर्राष्ट्रिय विमानस्थबाट उडान भर्न पत्राचार गरिसकेको जनाएको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया