logo

केहिदिन रोकिएको प्याराग्लाइडिङ उडान पुनः खुल्यो

    251   पटक पढिएको


७ कात्तिक/अर्थ र व्यापार – नवौं राष्ट्रिय खेलकुद प्रतियोगिताका क्रममा एकजना खेलाडीको मृत्यु भएपछि केहीदिन रोकिएको प्याराग्लाइडिङ उडान  खुला भएको छ । नेपाल नागरिक उड्डयन प्राधिकरणले विभिन्न पाँचवटा शर्तसहित प्याराग्लाइडिङ आइतबारदेखि पुनः सञ्चालन गर्न अनुमति दिएको हो ।
प्राधिकरणले तोकेको शर्त पूरा गर्न नेपाल हवाइ खेलकुद संस्था तयार भएपछि केही दिन रोकिएको प्याराग्लाइडिङ उडान पुनः खुला गरिएको प्राधिकरणका उडान अपरेसन महाशाखाका उपप्रबन्धक विनय गिरीले जानकारी दिए ।
प्राधिकरणले तोकेको सर्तअनुसार अब उडान क्षेत्रमा मात्रै उडान भर्नुपर्ने, प्याराग्लाइडिङ पाइलट १५ दिनभित्र मेडिकल तथा मानसिक अवस्थाको परीक्षण गरी योग्य ठहरिएको हुनुपर्ने, सबै प्याराग्लाइडिङ पाइलटले तोकिएको पोशाक र कम्पनी र पाइलटको नाम स्पष्ट हुनुपर्ने उल्लेख छ ।
यसैगरि, प्राधिकरणले व्यवसायिक उडानमा प्रयोग हुने ग्लाइडरहरूको १५ दिन भित्रमा प्राधिकरणका ‘एयर वर्थिनेस इन्सपेक्टर’ को रोहवरमा परीक्षण गराई योग्य ग्लाइडरहरूलाई मात्र व्यावसायिक उडान अनुमति दिने लगायतका सर्तहरु उल्लेख गरेको छ ।
यसैगरि, प्राधिकरणले पाइलटको रिफ्रेसर एडभान्स टेन्डम तथा आपतकालीन अवस्थामा उद्धार गर्न प्रयोगात्मक तालिम वर्षको एकपटक गर्नैपर्ने शर्त राखेको छ ।
यसअघि गत ३० असोजमा नवौं संस्करणको राष्ट्रिय खेलकुदअन्तर्गत प्याराग्लाइडिङ ‘क्रसकन्ट्री’ प्रतियोगिताको क्रममा दुर्घटना हुँदा नेपाली सेनाका एकजना खेलाडी २६ वर्षीय निसिम थापाको मृत्यु भएको थियो । सोही दुर्घटनापछि तत्कालै बसेको प्राधिकरणको बैठकले देशैभरि प्याराग्लाइडिङ उडान अनिश्चितकालका लागि प्रतिवन्ध गराउने निणर्य गरेको थियो ।
सो दुर्घटनापछि प्याराग्लाइडिङ उडानलाई नियमित, सुरक्षित र व्यवस्थित बनाउन सरकारले प्राधिकरणका उप महानिर्देशक हंशराज पाण्डेयको संयोजकत्वमा गत २ कात्तिकमा अनुसन्धान तथा सुझाव समिति गठन गरेको थियो ।
सोही समितिले विभिन्न सर्तसहित प्याराग्लाइडिङ खुला गर्न गत ४ कात्तिकमा प्रतिवेदन बुझाएको थियो । सोही प्रतिवेदनका आधारमा १५ दिनभित्र सर्त कार्यान्वयन गरी आइतबारबाट उडान खुला गरिएको प्राधिकरणले जनाएको छ ।
यसअघि नेपालका प्याराग्लाडिङ उडान खासै व्यस्थित र सुरक्षित नभएको भन्दै सरकारले गत ३० असोजमा मुलुकभरका सबै प्याराग्लाइडिङ उडान अनिश्चितकालका लागि बन्द गर्ने निणर्य गरेको थियो । त्यसबेला प्राधिकरणले अर्को व्यवस्था नभएसम्मकालागि मुलुकभरका सबै प्रकारका प्याराग्लाइडिङ उडान बन्द गर्ने निर्णय गरेको थियो ।

तपाईको प्रतिक्रिया

सम्बन्धित शीर्षकहरु

मुख्य खबर

तेस्रो राष्ट्रपतिमा रामचन्द्र पौडेल निर्वाचित

गणतन्त्र नेपालको तेस्रो राष्ट्रपतिमा नेपाली कांग्रेसका उम्मेदवार रामचन्द्र पौडेल निर्वाचित भएका छन् ।

तेस्रो राष्ट्रपति चयनका लागि मतदान सुरु, परिणाम आजै

नेपालको तेस्रो राष्ट्रपति चयनका लागि मतदान सुरु भएको छ ।

प्रधानमन्त्री दाहालले गरे मन्त्रिमण्डल विस्तार, नवनियुक्त मन्त्रीहरूले लिए शपथ

प्रधानमन्त्री पुष्पकमल दाहाल ‘ प्रचण्ड’ नेतृत्वमा गठित मन्त्रिमण्डल विस्तार भएको छ ।

चालक दलका सदस्य सहित ७२ जना सवार यतीको विमान पोखरामा दुर्घटना ,उद्धार कार्य जारि

काठमाडौंबाट ६८ जना यात्रु र चालक दलका चार जना सदस्य सहित पोखराका लागि उडेको यती एयरलाइन्सको ९एन एएनसी एटीआर ७२ विमान आइतबार बिहान पोखरामा दुरघटनाग्रस्त भएको छ ।

मनोरञ्जन

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।