पर्यटन बोर्डद्धारा नवनियुक्त सदस्य, नाट्टा र भिटोभका नयाँ कार्यसमितिको स्वागत, पर्यटन पुनरुत्थान हुने गरी बजेट ल्याइने
१० जेठ/अर्थ र व्यापार – नेपाल पर्यटन बोर्डले बोर्डका नवनियुक्त सञ्चालक समितिका सदस्य तथा नेपाल एशोसिएसन अफ टुर एण्ड ट्राभल एजेन्टस् (नाटा) र गाउँ पर्यटन प्रर्वद्धन मञ्च (भिटोभ) को नयाँ कार्य समिति सदस्यलाई स्वागत गरेको छ ।
बोर्डमा आयोजित कार्यक्रममा बोर्डका कार्यकारी प्रमुख डा. धनन्जय रेग्मीले नवनियुक्त सदस्यहरुलाई स्वागत गरेका थिए ।
बोर्डका नवनियुक्त सदस्य मदन आचार्यले बोड नयाँ बजेटको तयारीमा रहेकोले सरोकारवाला सबैसँग छलफल र सम्न्वय गरेर बजेट निर्माण गर्ने बताए । उनले कोभिडले थलिएको पर्यटनलाई आन्तरिक तथा बाह्य रुपमा प्रर्वद्धन हुनेगरी बजेट निर्माण गरिने समेत जानकारि दिए ।
बोर्डका अर्का नव नियुक्त सदस्य मिलन देवकोटाले पछिल्लो समय पर्यटन विस्तारै लयमा फर्किन थालेको भन्दै सबैको सहकार्यमा पर्यटनलाई पूर्ववत अवस्थामा ल्याउन पहल गरिने बताइन ।
बोर्डका कार्यकारी प्रमुख डा. धनन्जय रेग्मीले कोभिडपछि पर्यटनमा देखिएको समस्या समाधान गर्न बोर्डले हरतरहले काम गरिरहेको जानकारी दिँदै पछिल्ला दिनमा पर्यटक आगमनमा भएको बृद्धिले पर्यटन छिट्टै लयमा फर्किने आशा गर्न सकिने बताए ।
बोर्डका बरिष्ठ निर्देशक हिक्मत सिंह ऐरले बोर्डलले हालसम्म गरेका कामहरुको जानकारी दिँदै आउने दिनमा नयाँ स्रोत बजारको पहिचान गरी सम्भाव्यताको अध्ययनमा बोर्ड केन्द्रित रहेको बताए ।
सोही अवसरमा बोर्डले क्यानडामा नेपालको प्रर्वद्धनमा काम गरिरहेका बोर्डका मानार्थ जनसम्पर्क प्रतिनिधि (एचपीआरआर) नरबहादुर टण्डनलाई पनि सोही अवसरमा सम्मान गरेको थियो । क्यानडा तथा अमेरिकामा आफ्नो ट्रकबाट नेपालको पर्यटन प्रवद्र्धनकालागि काम गरे वापत बोर्डले उनलाई सम्मान गरेको हो ।
कार्यक्रमा सम्मानित (एचपीआरआर) टण्डनले विदेशमा सरकारी निकायबाट भइरहेका कार्यक्रमलाई थप प्रभावकारी बनाउन आवश्यक रहेको बताउँदै प्रभावकारी कार्यक्रम गर्न सके अन्तरराष्ट्रिय पर्यटकलाई नेपाल ल्याउन सकिने बताए ।
बोर्डका कर्मचारी युनियनका अध्यक्ष गोपाल भण्डारीले पर्यटन प्रर्वद्धनका लागि स्पष्ट योजना,बजेट तथा कर्मचारीको वृति विकासमा ध्यान दिन आग्रह गरे ।
नाटाका अध्यक्ष रमेश थापा र भिटोभका अध्यक्ष गोपाल थापाले कोभिडपछिको पर्यटन प्रर्वद्धनका लागि बोर्डसँग सहकार्य गरेर अघि बढ्ने धारणा राखे । सरसफाईको माध्यमबाट नेपालको पर्यटन प्रर्वद्धनमा काम गरिरहेका राजमान मानवले पर्यटनका लागि सरसफाई आवश्यक भएको बताउँदै आ आफ्नो ठाउँबाट सरसफाइमा ध्यान दिन आग्रह गरे ।
सम्बन्धित शीर्षकहरु
मुख्य खबर
नागढुंगा–सिस्ने खोला मुख्य सुरुङमार्गमा ब्रेक थ्रु , प्रधानमन्त्रीले स्वीच थिचेर सुरुङ छिचोलिएको घोषणा गरे
नागढुंगा–सिस्ने खोला मुख्य सुरुङमार्ग निर्माणको काम सोमबार वारपार छिचोलिएर ब्रेक थ्रु भएको छ । यस ठाउँको मुख्य सुरुङ सँगैको आपतकालीन सुरुङ भने गत २२ साउनमै छिचोलिएको थियो ।
यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम
धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।
ललिता निवास क्षेत्र खाली गर्न काठमाडौं महानगरले दियो ७ दिने म्याद
काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।
ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना
ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल
मनोरञ्जन
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित
विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।
तपाईको प्रतिक्रिया