logo

कीर्तिमानी आरोही कामीरिता २६ औं पटक सगरमाथा शिखरमा

    584   पटक पढिएको

२५ बैशाख/अर्थ र व्यापार – कीर्तिमानी आरोही कामी रिता शेर्पा पुनः २६ औं पटक सगरमाथा शिखरमा पुगेका छन । उनले यसअघि २५ औं पटक गरेको आफ्नै कीर्तिमान तोड्दै शनिबार साँझ ६ः५५ बजे विश्वको सर्बोच्च शिखर सगरमाथाको शिखरमा पुग्न सफल भएका हुन । २६ औं पटक सगरमाथाको आरोहण गरेर उनले अर्को कीर्तिमान कायम गरेका हुन् ।
शेर्पा आइसफल डाक्टरको ११ सदस्यीय बाटो सफा बनाउने टोलीको नेतृत्व गर्दै शनिबार सगरमाथा शिखरमा पुगेको उनको आरोहण व्यवस्थापन गरिरहेको सेभेन समिट ट्रेक्स एण्ड एक्सीपिडिसन प्रालिले जानकारी दिएको हो ।
काठमाडौंस्थित सेभेन समिट ट्रेक्सका अध्यक्ष मिग्मा शेर्पाले कामीरिता सहित ११ जना नेपाली शेर्पाहरुको समुहले शनिबार बेलुकी ६ः५५ बजे सगरमाथा चुचुरोमा पाइला राखेको बताए । मिङमा शेर्पाले जानकारि गराए अनुसार विश्व कीर्तिमानी आरोही कामीरिताको नेतृत्वमा ११ जना शेर्पा गाइड शुक्रबार साँझ डोरी टाँगेर बाटो बनाउँदै चुचुरोतर्फ लागेका थिए । कीर्तिमानी आरोही कामीरिता सहितको टोली सगरमाथा आरोहणका लागि बाटो बनाउँदै र डोरी टाँग्दै शनिबार साँझ शिखरमा पुगेको हो ।
सोलुखुम्बुको थामेमा सन् १९७० मा जन्मेका कामी रिताको नाममा सन् २०१८ देखि सबैभन्दा धेरै पटक सगरमाथा आरोहण गरेको कीर्तिमान कायम छ । उनले मे १६ २०१८ मा २२ औं पटक सगरमाथा आरोहण गरि कीर्तिमान राख्न सफल अर्का आरोही आप्पा शेर्पाको कीर्तिमान तोडेका थिए ।
अर्का आरोही आप्पा शेर्पाको कीर्तिमान तोडेका कामीरिताले त्यतिबेला पनि आफ्नो काम नै सगरमाथा चढ्ने भएकाले स्वास्थ्यले साथ दिएमा अर्को कीर्तिमान बनाउने बताएका थिए । त्यसपछि उनले २३ औं, २४ औं र २५ औं पटक सगरमाथाको शिखर चुमेर आफ्नै कीर्तिमान तोड्दै अघि बढिरहेका थिए । अहिले पुनः उनी २६ औं पटक सगरमाथाको शिखरमा पुगेर नयाँ कीर्तिमान कामय गराएका हुन ।
यो नयाँ रेकर्डसँगै १३ मे १९९४ मा पहिलो पटक सगरमाथाको शिखर चुमेका कामीरिताको नाममा ८ हजार मिटर अग्ला चुचुरोमा सबैभन्दा बढी आरोहण गरेको कीर्तिमान समेत रहेको छ ।
शनिबार आरोही कामीरितासँगै सगरमाथा शिखरमा पुगेका अन्य आरोहीहरुमा सोना शेर्पा, निग्मातासी शेर्पा । फुर्वाछिरिङ शेर्पा, तेञ्जिङ ग्याल्जेन शेर्पा, लाक्पातेन्जी शेर्पा रहेका छन् ।
सोही आरोहण दलका फुर्वा कुसाङ शेर्पा, मिग्मा दाण्डु शेर्पा, पासतेञ्जी शेर्पा, तारेमान तामाङ र फुर्वा छोतार शेर्पाले पनि कामी रितासँगै सगरमाथा चुचुरोमा पुगेको सेभेन समिटले जनाएको छ ।
सगरमाथा आरोहणको उत्कृष्ट मौसम तथा अनुकुल समय यस पटकको बसन्त ऋतुको हिमाल आरोहणका लागि बाटो बनाउँदै शनिबार साँझ कामीरिता सहित ११ जना शेर्पाको समुह सगरमाथा चुचुरोमा पुगेको हुन । यो सफलता सँगै सोलुखुम्बुको थामेका ५२ वर्षीय आरोही कामीरिताले २६ औं पटक सगरमाथा चुमेर आफ्नै २५ औं पटकको विश्व कीर्तिमान तोडेका हुन ।
अब कामीरिता सहित यी सबै शेर्पाको समुह आइतबार बेलुकीसम्म सगरमाथा आधार शिविरसम्म फर्किने सेभेन समिट ट्रेक्स एण्ड एक्सीपिडिसनले जनाएको छ । कामीरिताको यो नयाँ कीर्तिमानको बारेमा पर्यटन विभागले अहिलेसम्म आधिकारिक जानकारी गराएको छैन । विभागले अब यही सेभेन समिट ट्रेक्स एण्ड एक्सीपिडिसनको प्रमाण र लाई आधार बनाएर नयाँ रेकर्ड कायम भएको मान्यता दिएर डिनिजबुकमा पठाउने छ ।

तपाईको प्रतिक्रिया

सम्बन्धित शीर्षकहरु

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।