११ बैशाख/अर्थ र व्यापार –  कोरोना विश्व महामारिले झन्डै तीन वर्ष थलिएको मुलुकको पर्यटन क्षेत्रमा हाल विस्तारै चहलपहल बढ्न थालेसँगै यसवर्षको बसन्त ऋतुमा सगरमाथा सहित विभिन्न हिमाल आरोहणकालागि ८३३ जनाले अनुमति लिएका छन ।
यस वर्ष विभिन्न ७३ वटा मुलुकका कुल ८३३ जना आरोहीले विश्वको सर्वोच्च शिखर सगरमाथा लगायत विभिन्न हिमाल आरोहणका लागि अनुमति लिएको पर्यटन विभागले जनाएको छ ।
विभागका अनुसार उनीहरुले सगरमाथा लगायत विभिन्न २३ वटा हिमाल आरोहणका लागि अनुमति लिएका हुन् । अझै हिमाल आरोहणकालागि अनुमति लिनेहरुको संख्या बढ्दै गइरहेको विभागले जनाएको छ ।
यस वर्षकालागि हिमाल आरोहणको अनुमति लिने आरोहीहरुमा युद्धरत रुसका २७ र युक्रेनका १ जना आरोही पनि रहेका छन् । पर्यटन विभागको तथ्यांक अनुसार रुसबाट २७ जना र युक्रेनबाट १ जना आरोहीले हिमाल आरोहणकालागि अनुमति लिएका छन् । हालसम्म अनुमति लिने मध्ये १८१ जना महिला र ६५२ जना पुरुष आरोही रहेका छन् ।
यस वर्षको बसन्त ऋतुकालागि सगरमाथा लगायत विभिन्न हिमाल अनुमति लिएका आरोहीहरुबाट सरकारले झन्डै ४३ करोड २८ लाख ३९ हजार ३२६ रुपैयाँ भन्दाबढी रोयल्टी रकम संकलन गरेको विभागले जनाएको छ ।
अहिलेसम्मको विवरण अनुसार यस वर्ष सबैभन्दा बढी विश्वको सर्वोच्च शिखर सगरमाथा आरोहणका लागि अनुमति लिने आरोहीहरु रहेका छन् । सगरमाथा आरोहणकालागि हालसम्म ५५ देशका २९२ जना आरोहीले अनुमति लिएको विभागले जनाएको छ । यसैगरि, सगरमाथा आरोहणको लागि हालसम्म सबै भन्दा धेरै अमेरिकी आरोहीले अनुमति लिएका छुन् ।
यो मौसमकालागि अमेरिकाबाट ६३, बेलायतबाट ३३, भारतबाट २२, क्यानडाबाट १७, नेपालबाट २०, फ्रान्सबाट १२, अष्ट्रेलियाबाट १०, इराकबाट १, जापानबाट ७, आयरल्याण्डबाट ६, नेदरल्याण्ड्सबाट २, नर्वेबाट २, दक्षिण कोरियाबाट १, रोमानियाबाट १ जनाले आरोहणकालागि विभागबाट अनुमति लिएका छन् ।
यसैगरि, अर्जेन्टिना २, अष्ट्रिया ६, बेल्जियम १, ब्राजिल ४, बुल्गेरिया १, चीन १०, क्रोएसिया १, चेक रिपब्लिक १, डेनमार्क १, इक्वेडर २, इजिप्ट १, एल साल्भाडोर १, फिनल्याण्ड ३, जर्मनी ४, होण्डुरस १, इजरायल २, इटाली २, केन्या १, लिथुवानिया १, मलेसिया ३, मेक्सिको ४, मंगोलिया २, न्युजल्याण्ड २, न्युजल्याण्ड १, ओमान १, पोल्याण्ड १, पोर्चुगल १, कतार १, साउदी अरब १, सिंगापुर १, दक्षिण अफ्रिका २, स्वाजील्याण्ड २, स्वीडेन २, उरुग्वे १ र भियतनाम २ जनाले सगरमाथा हिमाल आरोहणकालागि अनुमति लिएको विभागले जनाएको छ ।
विश्वको सर्बोच्च शिखर सगरमाथापछि यस वर्षको बसन्त ऋतुमा ल्होत्से (८,५१६मि) हिमाल आरोहणका लागि धेरैले आरोहीले आरोहण अनुमति लिएका छन् । ल्होत्से हिमाल आरोहणका लागि एकसय ३ जना आरोहीले अनुमति लिएका छन् ।
यसैगरि, अमादब्लम हिमाल आरोहणका लागि ९७ जना , अन्नपूर्ण–१ हिमाल आरोहणकालागि २६ जना , अन्नपूर्ण–४ का लागि ९ जना , बरुन्त्से हिमालका लागि २०जना , भेम्डिङ–रि हिमालका लागि ८ जनाले आरोहण अनुमति लिएका छ ।
त्यसैगरि, धौलागिरि हिमाल आरोहणका लागि २७ जना, गंगापूर्ण हिमालका लागि २ जना , हिमलुङ हिमाल आरोहणका लागि ३५ जना, कञ्चनजंगा हिमाल आरोहणका लागि ६७ जना , खाङचुङ पिकका लागि २जना , ल्होत्सेका लागि १०३ जना , मकालुका लागि ३९ जना , मनास्लुका लागि ९ जना , मुकोट हिमालका लागि ४ जना , र्नोबुखाङ हिमालका लागि ५ जना , नुप्च्से हिमालका लागि ५७ जना , पु–खाङ हिमालका लागि ५ जना , पोखार–खाङ हिमालका लागि ९ जना , थापा पिकका लागि १० जना र उर्खमान हिमालका लागि २ जनाले अनुमति लिएको विभागले जनाएको छ । यो संख्या अझै बढ्ने अनुमान गरिएको विभागले जनाएको छ ।