१७ चैत/अर्थ र व्यापार – संस्कृति, पर्यटन तथा नागरिक उड्डयनमन्त्री प्रेमबहादुर आलेले आफू मन्त्री भएर आउनुअघि घाममा सेकिएर बसेका नेपाल वायुसेवा निगमका विमानहरु अहिले आकाशमा उड्न थालेको बताएका छन । राजधानीमा आयोजित एक कार्यक्रममा मन्त्री आलेले त्यस्तो बताएका हुन् ।
आलेले भने, ‘म मन्त्री हुनुभन्दा पहिले घाम तापेर बसेका निगमका विमानलाई अहिले आकाशमा उडाउने काम गरको छु, नागरिकलाई सेवा दिनु मेरो कर्तव्य हो ।’ आफूले मन्त्रालय सम्हालेदेखि ग्राउन्डेड भएर बसेका विमानहरुलाई अधिकतम समय आकाशमा उडाउने काम भएको उनको दावी छ ।
उनले अब नयाँ दिल्लीमा नेपाल वायुसेवा निगमको हरेक दिन दुईवटा उडान हुने जानकारी दिए । दिल्लीमा यसअघि दिनमा एउटा मात्रै उडान हुँदै आएको थियो ।
यसैगरि, काठमाडौबाट थाइल्याण्डको बैंककमा सातामा दुईवटा र साउदी अरेबियाको रियादमा सातामा तिनवटा उडान भर्ने गरी काम अघि बढेको जानकारी दिँदै मन्त्री आलेले मार्च २१ गतेदेखि मुम्बईमा साताको तीनवटा र मार्च २५ देखि बैङ्लोरमा पनि सातामा तीनवटा उडान भरिएको बताए ।
उनले २१ मार्च देखि निगमको विमानबाट मुम्बईमा सातामा ३ वटा उडान भर्ने बताए । त्यस्तै २५ मार्च देखि बैङ्लोरमा सातामा ३ वटा हुने र १ अप्रिलबाट जापानको नारितामा दुईवटा उडान भर्ने पनि उनले जानकारि दिए । दिल्लीमा हरेक दिन दुईवटा उडान हुनेगरी हामी सातामा १४ वटा उडान गर्ने र बैंककमा सातामा दुईवटा उडान भर्ने उनको भनाई थियो । यसैगरि, काठमाडौबाट दुबई, दोहा, हङकङ नियमित उडान भइरहेको छ । म यहाँहरुलाई जानकारी गराउन चाहान्छु ।
यही १५ अप्रिलबाट साउदी अरेबियाको रियादमा पनि सातामा तिनवटा उडान भर्नेगरी काम अघि बढेको जानकारि गराउँदै उनले पहिले ४ देखि ५ घण्टा उडान भर्ने विमानले हाल १० देखि १३ घण्टासम्म उडान भर्ने गरेको बताए । उनले आफ्नै कार्यकालमा खतरायुक्त सामग्रीहरु ल्याउने सर्टिफिकेट पनि निगमले प्राप्त गरेको बताए ।
यसैगरि, मन्त्री आले निगमका विमानहरु अहिले ग्राउन्डेड होइन अधिकतम समय आकाशमा उडाउने कामहरु भएको दावी गरे । विगतमा निगमका विमानलाई घाममा सुकाउने अवस्थामा थियो । तर, अहिले अधिकांश पहिला ४ देखि ५ घण्टा उडान भर्ने विमान अहिले करिब १० देखि १३ घण्टा नियमित उडाइ राखेको बताउँदै उनले ६३ वर्षको इतिहासमा डेन्जरस् गुड क्यारी गर्ने सर्टिफिकेट पनि निगमले प्राप्त गरेको जानकारि दिए ।
नेपाल वायुसेवा निगमले विश्वका १४ वटा अन्तर्राष्ट्रिय एयरलाइन्ससित एसपीएबाट संसारको ३१ वटा प्रसिद्ध शहरहरुमा निगमका टिकट खरिद गरेर हवाई यात्रुहरुको उडान भर्न सकिने व्यवस्था मिलाएको पनि उनले जानकारी दिए ।