कात्तिक १५ / अर्थ र व्यापार - वोमी माइक्रोफाइनान्स्को २० प्रतिशत बोनस सुरक्षित गर्ने बुधबार अन्तिम दिन हो । माइक्रोफाइनान्सले छैटौं बार्षिक साधारण सभाका लागि कात्तिक १६ देखि कात्तिक ३० सम्म शेयरधनी दर्ता किताब बन्द गर्ने निर्णय गरेकाले बुधबारबारसम्म कायम सेयरधनीहरुले मात्र लाभांश प्राप्त गर्नेछन् ।

कम्पनीले प्रस्ताव गरेको लाभांश कम्पनीको साधारणसभाबाट पारित गरेपछि सेयरधनीलाई वितरण हुनेछ ।वोमीले कात्तिक ३० गतेको डाकेको साधारण सभामा गत आर्थिक बर्षको नाफाबाट  एक करोड घटेर २९ लाख ६० हजार रुपैयाँको बोनस सेयर तथा बोनस सेयरमा लाग्ने कर वापतको ७ लाख १८ हजार रुपैयाँ नगद लाभांश वितरण गर्ने प्रस्ताव ग भजउरेको छ । त्यस्तै कम्पनीले बोनसपछि कायम हुने चुक्ता पूँजीको ३० प्रतिशत हकप्रद बिक्रि गर्ने प्रस्ताव समेत गरेको छ ।

६ करोड ४८ लाख चुक्ता पूँंजी रहेको वोमीको २० प्रतिशत बोनसपछि ७ करोड ७७ लाख पुग्नेछ । साधारण सभामा प्रस्ताव गरेको हकप्रद जारी गर्दा कम्पनीको पूँजी १० करोड १० लाख पुग्नेछ । गत आर्थिक वर्षमा लघुवित्तले दुई करोड १० लाख रुपैयाँ खुद नाफा कमाएर प्रतिसेयर आम्दानी ३२ रुपैयाँ ४१ पैसा तथा .मूल्य आम्दानी अनुपात ६१.०६ गुणा कायम गरेको छ । जसको सेयरमूल्य मंगलबार १८९५ रुपैयाँमा कारोबार भएको छ ।