क्रिस्टल कञ्चनजंघाले सुरू गर्याे मार्जिन ट्रेडिङ सुविधा, ७० प्रतिशतसम्म ऋण दिने

130 पटक पढिएको

२५ साउन / अर्थ र व्यापार- क्रिस्टल कञ्चनजंघा सेक्युरिटिज प्रा.लि.(स्टक ब्रोकर नम्बर ५०) ले मार्जिन ट्रेडिङ सुविधा सुरू गरेको छ । कम्पनीले नेपाल धितोपत्र बोर्डको नियामकीय व्यवस्था तथा नेपाल स्टक एक्सचेन्ज (नेप्से) ले तोकेको प्रक्रिया अनुसार आजदेखि मार्जिन ट्रेडिङ सेवा सुरू गरेको जनाएको छ ।

कम्पनीका अनुसार मार्जिन ट्रेडिङ सुविधामार्फत योग्य लगानीकर्ताले प्रारम्भिक मार्जिन जम्मा गरी कम्पनीमार्फत योग्य सूचीकृत कम्पनीका सेयर खरिद गर्न सक्नेछन् । यसका लागि लगानीकर्ताले आवश्यक कागजातसहित कम्पनीको कार्यालयमा उपस्थित भएर आवेदन दिई सम्झौता गर्नुपर्नेछ ।

क्रिस्टल कञ्चनजंघाले ३० प्रतिशत प्रारम्भिक मार्जिन र ७० प्रतिशत मार्जिन ऋणमा आधारित सुविधा ल्याएको छ । कम्पनीले सार्वजनिक गरेको योजना अनुसार १० लाख रूपैयाँदेखि २ करोड रूपैयाँसम्मको कारोबार सीमाका लागि मार्जिन ऋण उपलब्ध हुनेछ । कारोबार सीमाअनुसार मार्जिन ऋणको रकम ७ लाख रूपैयाँदेखि १ करोड ४० लाख रूपैयाँसम्म हुनेछ । कम्पनीले मार्जिन ऋणमा ब्याज तथा प्रशासनिक शुल्क लाग्ने जनाएको छ।

कम्पनीले सार्वजनिक गरेको शुल्क तालिकामा ३०, ६०, ९०, १२०, १५० र १८० दिनसम्मका लागि लाग्ने कुल शुल्कसमेत उल्लेख गरिएको छ । पहिलो ३० दिनपछि प्रत्येक थप ३० दिनका लागि शुल्कमा एक प्रतिशत छुट दिने व्यवस्था गरिएको कम्पनीले जनाएको छ ।

तपाईको प्रतिक्रिया

सम्बन्धित शीर्षकहरु