मंगलबार सेयरबजार ३४.२६ अंकले बढ्यो
३ साउन / अर्थ र व्यापार – नयाँ आर्थिक वर्ष सुरु भएयता हरियाली छाएको सेयरबजारमा तेस्रो दिनको कारोबारमा पनि उच्च वृद्धि आएको छ । मंगलबार नेप्से २.१४ प्रतिशतले उकालो लागेको छ भने अघिल्लो दिनको समग्र बजार पूँजीकरण ४० अर्बले बढेको छ । मंगलबार नेप्से ३४.२६ अंकले बढेर १६३८.४१ विन्दुमा पुगेकोे छ । कारोबारमा सबै समूहका सूचक बढेपछि बजारमा उच्च सुधार आएको हो ।
यसदिन बीमा समूहको सूचक सबैभन्दा बढी ४१६.६३ अंकले बढको छ । त्यस्तै वाणिज्य बैंक समूह २१.२५, होटल ६१.५२, विकास बैंक २५.२, जलविद्युत ३८.९९, वित्त ५.९५, उत्पादन समूह २०.७२ र अन्य समूह भने ०.५८ अंकले बढेका छन । १५५ कम्पनीको कारोबार भएको बजारमा १९ लाख ३५ हजार कित्ता सेयर एक अर्ब २१ करोड १७ लाख रुपैयाँ बराबरमा किनबेच भए । अघिल्लो दिनको तुलनामा कारोबार रकम ५२ करोडले बढी हो ।
३४ अंकले बजार बढेपछि समग्र बजारपूँजीकरण १९ खर्ब २२ अर्ब पुगेको छ । सेयरबजारका लगानीकर्ताको सम्पत्ति एकैदिन ४० अर्बले बढेको छ । अघिल्लो साता सेयर कारोबारको कमिशनमा भ्याट लाग्ने नलाग्ने भन्ने बहसले लगानीकर्ता अलमलमा परेका थिए । तत्काल सेयर कारोबारको कमिशनमा भ्याट नलगाइने भएपछि बजारले सकारात्मक बाटो समाएको हो ।
मंगलबारको सेयरबजारमा पाँच कम्पनीको सेयरमूल्य झण्डै दश प्रतिशतले बढेको छ । हिमालयन डिष्टिलरी, एनबी इन्स्योरेन्स, कुवेर मर्चेन्ट फाइनान्स, राष्ट्रिय वीमा कम्पनी, प्रोगेशिभ फाइनान्स लगायतको सेयरमूल्य दश प्रतिशतको हाराहारीमा बढेको छ । रिलायन्स फाइनान्स, सगरमाथा इन्स्योरेन्स तथा फरवार्ड माइक्रो फाइनान्स लगायतका कम्पनीको सेयरमूल्य बढेको छ ।
यसदिन ओम डेभलपमेन्ट बैंकको सेयरमूल्य सबैभन्दा धेरै ९ प्रतिशत बढीले झरेको छ । वल्र्ड मर्चेन्ट, एनआईबीएल प्रगति फण्ड, विजय लघुवित्त, रिलायबल्स वित्तीय संस्था तथा सिन्धु विकास बैंक लगायतको सेयरमूल्य घटेको छ । उच्च अंकले बढेको बजारमा नेपाल लाइफ इन्स्योरेन्सको सबैभन्दा बढी ९ करोड २९ लाख बढीको सेयरको किनबेच भएको छ । फरवार्ड माइक्रो, इन्भेष्टमेन्ट बैंक संस्थापक, नबिल बैंक संस्थापक तथा नेशनल लाइफ लगायतको धेरै कारोबार भएको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया