२९ असार / अर्थ र व्यापार – चालु आर्थिक वर्षको अन्तिम दिन शेयर बजार घटेर बन्द भएको छ । कारोबार रकम औषत मात्रै भएको छ । नेपाल स्टक एक्सचेन्ज(नेप्से)को कारोबार मापक सूचक ४.८९ अंकले घटेर १५८२.६७ अंकमा ओर्लिएको छ । ’क’ वर्गका कम्पनीहरुको कारोबार मापन गर्ने सेन्सेटिभ इन्डेक्स ०.८८ अंकले घटेर ३३६.०४ अंकमा झरेको छ । 

बिहिबार १५० कम्पनीका २० लाख ४० हजार कित्ता शेयर कारोबार भए । नेप्सेका अनुसार ७४ करोड ६२ लाख रुपैयाँमा खरिद बिक्री भएको छ । बिहिबार फरवार्ड माइक्रोफाइनान्सको शेयर सबै भन्दा बढी कारोबार भयो । बजार मूल्य बढेपछि पर्याप्त खरिद बिक्रि भएको हो। कम्पनीको प्रति कित्ता शेयर मूल्य ३३ सय ८४ सम्म पुगेको थियो ।

तर बजारमा पर्याप्त बिक्रि आदेश आउन थालेपछि शेयर मूल्य घट्न सुरु गर्यो । कारोबारको अन्तमा २.३७ अंकको बढोत्तरीसँगै ३२ सय २१ रुपैयाँमा अन्तिम कारोबार भयो ।

कम्पनीले आज करिब १३ करोड रुपैयाँको कारोबार गर्दै कारोबार रकमको आधारमा पहिलो भएको छ । आज कारोबारमा आएका आठ समुहमा सात समुहमा गिरावट आएको छ भने अन्यमा ११.८६ अंकको वृद्धि देखिएको छ । बैंक ४.७३, होटल ३४.३२, विकास बैंक ५.९७, जलबिद्युत ६.४२, फाइनान्स ७.०१, बीमा ५३.६७ र उत्पादन मुलक ३४.४१ अंकले घटेको छ । 

आज पाँच कम्पनीले करिब १० प्रतिशत कमाएका छन् । कमाउने कम्पनीमा सबैभन्दा अगाडी कुबेर मर्चेन्ट छ भने गुमाउने कम्पनी मिथिला लघुवित्त कम्पनी छ । मिथिलाले करिब ६ प्रतिशत गुमाएको छ ।