१५ भदौ / अर्थ र व्यापार – साताको अन्तिम दिन विहीबार सेयरबजार परिसुचक नेप्से १८ दशमलब ३३ अंकले घटेर १५८०.०३ बिन्दुमा झरेको छ । यसदिन ८४ करोड ९१ लाख रुपैयाँ बढीको सेयर कारोबार भयो । कारोबार रकम अघिल्लो दिनकोे तुलनामा १३ करोड कम हो । कारोबारमा आएका सबै समूहमा गिरावट आएपछि विहीबार बजार राताम्मे भएको हो । यसदिन बीमा समूह सबैभन्दा धेरै १४७ अंकले घटेको छ ।

बिहीबार सेयर बजारमा एनआईसी एशिया बैंकको सबैभन्दा धेरै ६ करोड २६ लाखको सेयर किनबे भयो । कम्पनीले प्रस्ताव गरेको २० प्रतिशत लाभांश सुरक्षित गर्ने आजै अन्तिम दिन परेकाले पनि बैंकको कारोबार उच्च भएको हो । बैंकले आगामी ३० गतेका लागि साधारणसभा बोलाएको छ ।

जनरल फाइनान्स र निर्धन उत्थान लघुवितको सेयरमूल्य सबैभन्दा धेरै चार प्रतिशतका दरले बढेको छ । यसदिन सिद्धार्थ इन्भेष्टमेन्ट ग्रोथ स्किम एकको ईकाइ मुल्य सबैभन्दा धेरै ९ प्रतिशत बढीले ओरालो लागेको छ । भागर्व विकास बैंकको पनि ६ प्रतिशतले घटेको छ ।