५ पुष / अर्थ र व्यापार - काठमाडौं। स्ट्याण्डर्ड चार्टर्ड बैंकले पुष २६ गते ३१औं वार्षिक साधारणसभा डाकेको छ । साधारणसभाबाट बैंकले एक बराबर एकको अनुपातमा बोनस शेयर जारी गर्ने प्रस्ताव पारित गर्ने भएको छ । साथै सधारणसभाले बोनस शेयरको कर प्रयोजनको लागि ५.२६ प्रतिशत नगद लाभांस पारित गर्ने छ । 
 
बैंकको हालको चुक्ता पूँजी ४ अर्व ५ करोड रुपैयाँ छ । बोनस शेयर जारी गरे सँगै पूँजी ८ अर्ब १० करोड रुपैयाँ पुग्ने छ । बैंकको गत आर्थिक वर्षको वित्तीय विवरण अनुसार जगेडा कोषमा ८ अर्ब १५ करोड रुपैयाँ छ भने नाफा एक अर्ब ३८ करोड रुपैयाँ। बैंकले जगेडा कोष तथा गत वर्षको नाफाबाट सत प्रतिशत बोनस शेयर दिन लागेको हो ।
 
बैंकले सर्वसाधारण शेयरधनीको तर्फबाट एक जना संचालकको निर्वाचन गर्ने भएको छ । संचालकको उमेदवार वन्न चाहने शेयरधनीको कम्तिमा ३०० कित्ता शेयर हुनु पर्ने बैकले जनाएको छ ।