उच्च ब्याजदरका विज्ञापन प्रकाशन गर्न थालेसँगै शेयर बजारमा सामान्य अंकको वृद्धि
२० मंसिर /अर्थ र व्यापार - बाणिज्य बैकहरुले व्यक्तिगत निक्षेपमा उच्च ब्याजदरका विज्ञापन प्रकाशन गर्न थालेपछि घट्न थालेको शेयर बजार बिहीबार सामान्य अंकको वृद्धि देखिएको छ । बुधवार फराकिलो अंकले घटेको शेयर बजारमा बिहीबार बृद्धि भएको हो । शेयर बजारको कारोबार मापन गर्ने नेप्से सूचक २.७० अंकले बढेर ११२०.८४ अंकमा उक्लिएको छ । सेन्सेटिभ सूचक ०.५४ अंकले बढेर २३८.३३ अंकमा पुग्यो । बुधवार शेयर सूचक २२.८० अंकले घटेको थियो ।
कारोबारको सुरुवात देखिनै तीव्र गतिमा घटेको बजारले पहिलो सवा एक घण्टामै नौ अंक गुमाएको थियो । तर ब्याजदरका विषयलाई लिएर अर्थमन्त्री डा. युवराज खतिवडाको संयोजकत्वमा गठित उच्चस्तरीय वित्तीय समन्वय समितिको बैठकपछि ब्याजदरमा देखिएको अवस्था र शेयर बजारका बारेमा सम्बोधन हुने खबर सार्वजनिक भएपछि शेयर बजारमा सुधार देखिएको इन्भेष्टर फोरमका उपाध्यक्ष तुलसीराम ढकालले जानकारी दिए । लगानीकर्ताको मनोबल घटेको कारण शेयर बजार प्रभावित भएको उनको ठहर छ । बजार न्यूनतम बिन्दुमा झरेकोले यस भन्दा तल झर्ने सम्भावना कम रहेको उनले बताए । उनका अनुसार लगानीकर्ताले अहिलेको बजारमा शेयर खरिद गर्दा खासै ठूलो नोक्सान नपर्ने उनको तर्क छ ।
बिहीबार बजारमा १६२ कम्पनीका १३ लाख ७४ हजार कित्ता शेयर ३७ करोड रुपैयाँमा खरिद बिक्री भयो । सबैभन्दा बढी एनएमबि बैकको चार करोड ४६ लाख रुपैयाँ बराबरको कारोबार भयो । उपसूचक मिश्रित देखिएको छ । १० समूहको कारोबारमा जलविद्युत् र उत्पादनमूलक क्षेत्रका उपसूचक घटेको छ भने बाँकी समूह बढेका छन् । सबैभन्दा बढी जलविद्युत् ०.८५ प्रतिशतले घट्यो भने जीवन बीमा समूह०.८९ प्रतिशतले बढेको छ । सबैभन्दा बढी आएमइ जनरल इन्स्योरेन्स कम्पनीका शेयरधनीले करिब आठ प्रतिशत कमाए । कालिका लघुबित्त वित्तीय संस्थाका शेयरधनीले करिब आठ प्रतिशतनै गुमाए ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया