१६ मंसिर / अर्थ र व्यापार- साताको पहिलो दिन आईतवार सेयर वजारमा करिब आधा अर्ब रुपैयाँको किनबेच भएको छ । आईतवार सेयर बजार मापक सुचक १७.७३ अंकले घटेर ११३०.६३ अंकमा ओर्लिएको छ । प्रत्येक दिन लगानीकर्ताको मनोबल खस्कँदो क्रममा देखिँदा बजारमा फराकिलो अंकको गिरावट देखिएको लगानीकर्ताहरु वताउँछन ।
आइतबार १५६ कम्पनीका १४ लाख ४२ हजार कित्ता शेयर ४५ करोड ४६ लाख रुपैयाँमा खरिद बिक्री भएको छ । सबैभन्दा बढी नेपाल बंैकको ७ करोड १९ लाख रुपैयाँ बराबरको शेयर कारोबार भएको छ । त्यस्तै आईतवार उपसूचकहरु मिश्रित देखिए । ट्रेडिङ बाहेक सबै उपसूचक घटेका छन् । ट्रेडिङ २.९६ अंकले बढेको छ । सबैभन्दा बढी निर्जीवन बिमा समूह २.७२ प्रतिशतले घट्यो ।
सबैभन्दा बढि विजय लघुबित्तका शेयरधनीले करिब नौ प्रतिशतले कमाएका छन् । लुम्बिनी जनरल इन्सयोरेन्सका शेयरधनीले करिब आठ प्रतिशत गुमाए ।
तपाईको प्रतिक्रिया