१६ असार / अर्थ र व्यापार – भ्याटको विषयमा उठेको विवाद छलफलबाट टुंग्याउदै गर्ने र आइतवारबाट भने सेयर कारोबार सुचारु गर्ने सहमती ब्रोकरहरुले गरेकोे छ ।
अर्थमन्त्रालयले कारोबार सुचार गर्दै गर्न र विवादको विषय छलफलबाट टुंग्याउन भनेपछि नेप्सेले ब्रोकरहरुलाई त्यही जानकारी गराएर कारोबार खोल्न लगाएको हो । सिडिएस एण्ड क्लियरिङ लिमिटेडको नयाँ कार्यालयबाट काम सुरु भएको औपचारिक उद्घाटनको कार्यक्रममा यस्तो जानकारी आएको हो ।
शुक्रवार बिहान नेप्सेमा ब्रोकरहरुसँग यसै विषयमा छलफल भएको थियो । उनले कहिलेबाट भ्याट लगाउन सुरु गर्ने भन्ने विषय भने अर्थमन्त्रालय लगायतसँगको छलफलबाट टुंगो लगाइने भएको छ ।
आइतवारको कारोबारमा नै भ्याट लगाएर गर्ने नगने भन्न सक्ने विषय होइन, अहिले कारोबार सुचारु गराउनु भनेर अर्थमन्त्रालयबाट आएकोले हालकै आधारमा कारोबार गर्ने भन्ने बुझाइ हो, कुन मितिबाट लगाउने भन्ने त छलफलबाट नै टुंगो लाग्छ ।
बिहीवार आन्तरिक राजस्व कार्यालयले दुईवटा ब्रोकर इन्भेष्टमेन्ट म्यानेजमेन्ट र सुन्धारा सेक्युरिटिजलाई २०६९र७० देखिको भ्याट तिर्न पत्राचार गरेपछि ब्रोकरहरुले कारोबार नै रोकेका थिए ।
नेप्सेले भने आफुले कारोबार खुला गरेपनि ब्रोकरहरुले आदेश प्रविष्टि नगरेकोले कारोबार हुन नसकेको तर नेप्सेले नै कारोबार रोकेको भनेर प्रसार गरिएको भन्दै गुनासो गरेको छ ।