७ भदौ/अर्थ र व्यापार– साताभरिनै शेयर वजार घट्ने क्रमले निरन्तरता पायो ।

साता शुरुवातदेखिनै घटेको शेयर बजार साताको अन्तिम कारोबारको दिन पनि घटेको छ । साताभरिमा ३१.८२ अङ्कले शेयर वजार घटेको हो । 

विहिवार नेपाल स्टक एक्सचेन्जको कारोबार मापक सूचक ३.९२ अंकले घटेर ११७८.५० अंकमा झरेको छ । क वर्गका कम्पनीहरूको कारोबार मापन गर्ने सेन्सेटिभ इन्डेक्स ०.५४ अंकले घटेर २४८.९९ अंकमा झरेको छ ।

बिहीबार सूचक घटेको भए पनि कारोबार रकममा भने वृद्धि देखिएको छ। बिहीबार १५९ कम्पनीका १० लाख २० हजार कित्ता शेयर २७ करोड ७३ लाख रुपैयाँमा कारोबार भयो । यो वुधवारको भन्दा ११ करोड रुपैयाँ बढीको कारोबार हो ।

कारोबारमा आएका उपसूचक मिश्रित देखिएका छन् । विकास बैक र उत्पादन मूलक समूह बाहेक सबै उपसूचक घटेका छन् । विकास बैक ०.१८ र अन्य ५.०७ अंकले बढेको छ ।

बैक ३.५३, होटेल २.३६, जलविद्युत १४.६२, फाइनान्स ०.०७, निर्जीवन बिमा समूह २७.५५, उत्पादन मूलक समूह ५४.६७, लघुबित्त ४.४१ र जीवन बिमा समूह ३८.६४ अंकले घटेका छन् ।

एनआइविएल समृद्धि फण्डका इकाइ धनीले करिब सात प्रतिशत कमाए । युनिलिभर नेपालका शेयर भनीले करिब चार प्रतिशत गुमाए ।