२ भदौ / अर्थ र व्यापार – बाढिपहिरोको सेन्टिमेन्टले सेयर बजारलाई पनि छोएको छ । पूँजी बजारमा कारोबारमा आएका सात समूहमा गिरावट आउँदा कारोबार र सुचक दुबै झरेको छ ।

दोस्रो बजारमा १७८ कम्पनीको शेयर खरिद बिक्रि भए । २७ हजार चार सय ६६ कारोबारबाट तीन अर्ब पाँच करोड ६७ लाख ६२ हजार रुपैयाँ बराबरका सेयर किनबेच भएका छन् । ८४ लाख ४६ हजार चार सय ६० कित्ता शेयर खरिद बिक्रि भएका हुन् । अघिल्लो साताको तुलनामा कारोबार रकम १९.९५ प्रतिशत कम हो ।

सूचक पहिलो दिनको तुलनामा १२.३८ अंकले घटेर १६२९.७५ अंकमा ओर्लिएको छ । गत साता पनि शेयर बजार ११.५२ अंकले घटेर १६५३.५३ अंकमा ओर्लिएको थियो । कारोबार रकम पनि गत साता २७.३० प्रतिशतले घटेको थियो । दुई सातामा बजार करिब २४ अंकले घटेको छ ।

साताभर सबैभन्दा बढि १४ करोड ४८ लाख ६० हजार रुपैयाँ बराबरको नेपाल लाइफ इन्स्योरेन्स कम्पनीको सेयर किनबेच भएको छ । साताभर पाँच कम्पनीको साधारण, हकप्रद र बोनस शेयर सुचिकृत भएका छन् । फर्स्ट माइक्रोफाइनान्स डेभलपमेन्ट बैंक, नेरुडे लघुवित्त विकास बैंक र सानिमा बैंकको हकप्रद, सेती फाइनान्सको बोनस सेयर र महुली सामुदायिक लघुवित्त वित्तीय संस्थाको साधारण शेयर सुचिकृत भएको छ ।