१ साउन/अर्थ र व्यापार– शेयर बजारमा लामो समयदेखि प्रतिक्षीत अनलाइन प्रणाली आजदेखि कार्यान्वयनमा आएको छ ।

आर्थिक वर्ष २०७५/७६ को पहिलो कारोबार तथा अनलाइन प्रणाली आएको दिनमा शेयर बजारमा ८.०३ अंकले गिरावट आएको छ । अंकसँगै कारोबार रकम पनि २० करोड ६० लाख रुपैयाँमा खुम्चिएको छ ।

नेपाल स्टक एक्सचेन्जले आजै देखि छुट्टाएको जीवन तथा निर्जीवन बीमा कम्पनीहरुको उपसूचक भने र घटेको छ ।
व्यापार फाइनान्स र अन्य उपसूचक बाहेक अरु सबै सूचक तथा उपसूचक घटेका छन् ।

नेपाल स्टक एक्सचेन्जले आजै देखि छुट्टाएको जीवन तथा निर्जीवन बीमा कम्पनीहरुको उपसूचक पनि घटेको छ ।

सबैभन्दा धेरै नविल बैंकको ५ करोड ८१ लाख रुपैयाँको कारोबार भएको छ भने रैराङ हाइड्रोपावरका शेयरधनीले ६.७६ प्रतिशतले कमाएका छन् साथै बोटलर्स नेपाल तराइका शेयरधनीले ५.८२ अंकले गुमाएका छन् ।

नेप्सेले आजदेखि लगानीकर्ताको हातमा अनलाइन प्रणाली पुग्ने बताए पनि केही ब्रोकरले मात्रै ’युजर नेम’ र ’पासवर्ड’ दिए। केही दिनमा नै सम्पुर्ण ब्रोकरले आफ्ना ग्राहकहरुको हात हातमा अनलाइन प्रणाली पुर्याउने बताएका छन्।  

नेप्सेले ’युएटि’ परिक्षण गरेपछि लगानीकर्ताले आफ्नो अर्डर आफैँले दिन पाउँछन् । यसको लागि अझै दशैँसम्म कुर्नुपर्ने नेप्सेका प्राविधिकले बताउँदै आएका छन् ।