१४ साउन/अर्थ र व्यापार– शेयर बजार १.११ अंकको गिरावटसँगै ११९३.७१ बिन्दुमा रोकिएको छ । कारोबार सुरु भएदखि नै बजारमा समान्य सुधार देखिएपनि पछि बजार निरन्तर ओरालो लाग्दा नेप्सेमा गिरावट आएको हो । 

सुचकमा सामान्य गिरावट देखिए पनि कारोबार रकम भने २८ करोड ७४ लाख रुपैयाँ नाघेको छ । आईतबारको तुलनामा कारोबार १० करोड २५ लाख रुपैयाँले बढी भएको छ । आईतबार १८ करोड ४९ लाख रुपैयाँको कारोबार भएको थियो ।

बैंकिङ, विकास बैंक, फाइनान्स, उत्पादन तथा प्रसोधन र माइक्रोफाइनान्सको उपसूचक बढे पनि होटल हाइड्रोपावर निर्जीवन बीमा कम्पनी अन्य र जीवन बीमा कम्पनीहरुको उपसूचक भने घटेका छन् । 

सबैभन्दा धेरै माछापुच्छ्रे बैंकको ६ करोड ३४ लाख रुपैयाँको कारोबार भयो । नेपाल सेवा लघुवित्त वित्तीय संस्थाका शेयरधनीले ५.८३ प्रतिशतले कमाएका छन् भने कमजोर वित्तीय विवरण सार्वजनिक गरेको सिटी एक्सप्रेस फाइनान्सको कारोबारमा सर्किट लागेको छ ।