२८ मंसिर / अर्थ र व्यापार - काठमाडौं । गएराति लागेको आगोका कारण प्राविधिक समस्या आएपछि नेप्सेको कारोबार नियमित समयमा सुरू हुन सकेको छैन । प्राविधिकहरू सर्भर नियमित बनाउन प्रयास गरिरहेका छन् ।

नेप्सेका प्रवक्ता मुराहरी पराजुलीका अनुसार केही समयमा नै सर्वर सञ्चालनमा  ल्याउन प्रयास भईरहेको छ । पराजुलीका अनुसार कारोबारमा असुबिधा भएकाले सर्वर सञ्चालनमा आएपछि कारोबारको समय थप गरिने छ । स्टक एक्सचेन्जको भद्रकालीस्थित कार्यालयमा गए राति करिब सवा नौ बजेतिर आगो लागेको हो । विद्युत सर्ट भएर कार्यलयको पहिलो तल्लाको उत्तरतर्फको कोठामा क्षति पुगेको थियो ।

तत्कालै अग्निनियन्त्रक र सुक्षाकर्मीले आगो नियन्त्रणमा लिएका थिए । कार्यलयको कुनै पनि महत्वपूर्ण कागज पत्रमा आगलागीबाट हानी नपुगेको नेप्सेले बताए पनि विहिबार कार्लय समयमा नेप्सेको सर्भर नियमित  सञ्चालनमा  आउन  सकेन ।